സമൂഹ മാധ്യമങ്ങളിലൂടെ ഹജ് തീർഥാടകർക്ക് താമസം, യാത്രാസൗകര്യം തുടങ്ങിയവ വാഗ്ദാനം ചെയ്ത് തട്ടിപ്പ്; പ്രതികൾ അറസ്റ്റിൽ

‌മക്ക ∙ സമൂഹ മാധ്യമങ്ങളിലൂടെ ഹജ് തീർഥാടകർക്ക് താമസം, യാത്രാസൗകര്യം തുടങ്ങിയവ വാഗ്ദാനം ചെയ്ത് തട്ടിപ്പ് നടത്തിയ സംഭവത്തിൽ രണ്ട് വിദേശികളെ മക്ക പൊലീസ് അറസ്റ്റ് ചെയ്തു. അധികാരികൾ വ്യക്തികളെ പിടികൂടുകയും നിയമനടപടികൾ സ്വീകരിക്കുകയും പബ്ലിക് പ്രോസിക്യൂഷന് കൈമാറുകയും ചെയ്തു.

സംശയാസ്പദമായ ഓൺലൈൻ പരസ്യങ്ങളോട് പ്രതികരിക്കാതിരിക്കാനും ജാഗ്രത പാലിക്കാനും പബ്ലിക് സെക്യൂരിറ്റി ഡയറക്ടറേറ്റ് പൗരന്മാരോടും താമസക്കാരോടും അഭ്യർഥിച്ചു. ഇത്തരം വഞ്ചനാപരമായ പ്രവർത്തനങ്ങളിൽ ഏർപ്പെടുന്ന വ്യക്തികൾ നിയമപ്രകാരം ശിക്ഷിക്കപ്പെടുമെന്ന് അധികൃതർ മുന്നറിയിപ്പ് നൽകുന്നു. സുരക്ഷിതവും നിയമാനുസൃതവുമായ ഹജ് അനുഭവം ഉറപ്പാക്കുന്നതിന്, പബ്ലിക് സെക്യൂരിറ്റി ഡയറക്ടറേറ്റ് പൗരന്മാരോടും താമസക്കാരോടും ഔദ്യോഗിക ഹജ് ചട്ടങ്ങളും നിർദ്ദേശങ്ങളും പാലിക്കാൻ ഉപദേശിച്ചു. നിയുക്ത നമ്പരുകളിൽ വിളിച്ച് സംശയാസ്പദമായ ലംഘനങ്ങൾ റിപ്പോർട്ട് ചെയ്യാൻ ആളുകളോട് അഭ്യർത്ഥിച്ചു.