ജനാധിപത്യ ഇന്ത്യക്ക് പ്രതീക്ഷ നൽകുന്ന ജനവിധി; പ്രവാസി വെൽഫെയർ ഈസ്റ്റേൺ പ്രൊവിൻസ്

ദമാം ∙ ജനാധിപത്യ ഇന്ത്യയ്ക്ക് പ്രതീക്ഷയും കരുത്തും നൽകുന്ന ജനവിധിയാണ് പാർലമെന്‍റ് തിരഞ്ഞെടുപ്പിൽ ഉണ്ടായതെന്ന് പ്രവാസി വെൽഫെയർ ഈസ്റ്റേൺ പ്രൊവിൻസ്. രാജ്യത്തെ മതനിരപേക്ഷ കക്ഷികൾ ഒറ്റക്കെട്ടായി അണിനിരന്നാൽ  സംഘ്പരിവാർ ഫാഷിസത്തെ ചെറുത്തു തോൽപ്പിക്കാൻ കഴിയുമെന്ന് തിരഞ്ഞെടുപ്പ് ഫലം തെളിയിച്ചിരിക്കുന്നു.

അഭിപ്രായ വ്യത്യാസങ്ങളും കക്ഷി താല്പര്യങ്ങളും മാറ്റി വെച്ചു രാജ്യത്തിന്‍റെ ഭാവിക്കും സുസ്ഥിതിക്കും വേണ്ടി ഒന്നിച്ചു നിൽക്കാൻ എല്ലാ പാർട്ടികൾക്കും ബാധ്യതയുണ്ട്. കേന്ദ്രത്തിൽ ഒരു ജനാധിപത്യ മതനിരപേക്ഷ സർക്കാർ രൂപീകരണം എന്നതായിരിക്കണം എല്ലാവരുടെയും പ്രഥമവും പ്രധാനവുമായ പരിഗണനയെന്ന് പ്രൊവിൻസ് കമ്മിറ്റി പത്ര പ്രസ്താവനയിൽ വ്യക്തമാക്കി.