'സേഫ് ഡ്രൈവിങ് സ്റ്റാർസ്': 22 ഡ്രൈവർമാരെ ആദരിച്ച് ദുബായ് പൊലീസ്

ദുബായ് ∙ 3 വർഷത്തിനിടെ ഗതാഗത നിയമലംഘനം നടത്തുകയോ അപകടം ഉണ്ടാക്കുകയോ ചെയ്യാത്ത 22 ഡ്രൈവർമാരെ ദുബായ് പൊലീസ് ആദരിച്ചു. 'സേഫ് ഡ്രൈവിങ് സ്റ്റാർസ്' എന്ന പരിപാടിയുടെ ഭാഗമായാണ് ആദരിച്ചത്.

വാഹനാപകടങ്ങൾ 40% കുറയ്ക്കാൻ ഈ സംരംഭം സഹായിച്ചതായി ജനറൽ അഡ്മിനിസ്ട്രേഷൻ ഓഫ് ട്രാൻസ്‌പോർട്ട് ആൻഡ് റെസ്‌ക്യൂ ഇൻഷുറൻസ് വകുപ്പ് ഡയറക്ടർ കേണൽ സമീറ അബ്ദുല്ല അൽ അലി പറഞ്ഞു. 3 വിഭാഗങ്ങളിലായി സുരക്ഷിത ഡ്രൈവിങ് നടത്തുന്ന നൂറിലേറെ ആളുകളെ ആദരിക്കുമെന്നും പറഞ്ഞു.