യുഎഇ ഊർജ, ഇൻഫ്രാസ്ട്രക്ചർ മന്ത്രാലയത്തിന്‍റെ ഇ-സേവനങ്ങൾ ഇന്ന് രാത്രി താൽക്കാലികമായി നിർത്തിവയ്ക്കും

അബുദാബി ∙ യുഎഇ ഊർജ, ഇൻഫ്രാസ്ട്രക്ചർ മന്ത്രാലയത്തിന്‍റെ ഡിജിറ്റൽ പ്ലാറ്റ്‌ഫോമിലെ സേവനങ്ങൾ ഇന്ന് (12) രാത്രി താൽക്കാലികമായി നിർത്തിവയ്ക്കും. രാത്രി 10 മുതൽ രാത്രി 11 വരെ ഒരു മണിക്കൂർ ഇ-സേവനങ്ങൾ ലഭ്യമാകില്ലെന്ന് മന്ത്രാലയം എക്‌സിലെ പോസ്റ്റിൽ അറിയിച്ചു.  സേവനങ്ങൾ മെച്ചപ്പെടുത്തുന്നതിന് സംവിധാനം നവീകരിക്കുന്നതിന്‍റെ ഭാഗമാണിത്.  പ്ലാറ്റ്‌ഫോമിൽ ഏറ്റവും കൂടുതൽ ഉപയോഗിക്കുന്ന സേവനങ്ങളിൽ കര, സമുദ്ര ഗതാഗത ലൈസൻസുമായി ബന്ധപ്പെട്ടവ നാവികരുടെ ലൈസൻസ്, നാഷനൽ ട്രാൻസ്പോർട്ട് വെഹിക്കിൾ പെർമിറ്റുകൾ, ബോട്ട് റജിസ്ട്രേഷൻ തുടങ്ങിയ രേഖകൾ നൽകൽ, പുതുക്കൽ, റദ്ദാക്കൽ എന്നിവ ഉൾപ്പെടുന്നു.