ലെയ്ൻ മാറ്റം: ബ്ലൈൻഡ് സ്പോർട്ട് നോക്കണം

അബുദാബി ∙ വാഹനം ഓവർടേക്ക് ചെയ്യുന്നതിനു മുൻപ് ബ്ലൈൻഡ് സ്പോർട്ടിന്റെ കാര്യം മറക്കരുതെന്നും വാഹനം ഇല്ലെന്ന് ഉറപ്പാക്കണമെന്നും അബുദാബി പൊലീസ്. 

വശങ്ങളിലെ കണ്ണാടിയിലൂടെ മാത്രം നോക്കിയാൽ ബ്ലൈൻഡ് സ്പോർട്ടിലെ വാഹനം കാണാനാകില്ല. വാഹനമില്ലെന്ന് കരുതി ലെയ്ൻ മാറിയാൽ അപകടത്തിലേക്കു നയിക്കും. അതിനാൽ ലെയ്ൻ മാറുന്നതിന് മുൻപ് വാഹനമില്ലെന്ന് ഇരുവശങ്ങളിലും നോക്കി ഉറപ്പാക്കിയാൽ അപകടം ഒഴിവാക്കാമെന്നും പറയുന്നു. സെൻസർ ഘടിപ്പിച്ച വാഹനങ്ങൾ ബ്ലൈൻഡ് സ്പോർട്ടിൽ മറ്റു വാഹനങ്ങളുടെ സാന്നിധ്യമുണ്ടെങ്കിൽ മുന്നറിയിപ്പ് നൽകും. എന്നാൽ എല്ലാ  വാഹനങ്ങൾക്കും ഈ സംവിധാനമില്ല. അതിനാൽ വശങ്ങളിലേക്കു നോക്കി വാഹനം ഇല്ലെന്ന് ഉറപ്പാക്കുകയേ നിർവാഹമുള്ളൂ. വാഹനത്തിന്റെ ഗ്ലാസും കണ്ണാടികളും വൃത്തിയായി സൂക്ഷിക്കണമെന്നും ആവശ്യപ്പെട്ടു.