ട്രംപിനു നേരേ വെടിവയ്പ്; അപലപിച്ച് യുഎഇ

അബുദാബി ∙ അമേരിക്കൻ മുൻ പ്രസിഡന്റും റിപ്പബ്ലിക്കൻ സ്ഥാനാർഥിയുമായ ഡോണൾഡ് ട്രംപിനു നേരെയുണ്ടായ വെടിവയ്പ്പിനെ യുഎഇ ശക്തമായി അപലപിച്ചു. വെടിവയ്പ്പിൽ ട്രംപിന് പരുക്കേറ്റിരുന്നു. ഒരാളുടെ മരണത്തിന് കാരണമായ വെടിവയ്പ് അത്യന്തം ദുഃഖകരമായ സംഭവമായെന്ന് വിദേശകാര്യ മന്ത്രാലയം പ്രസ്താവിച്ചു.

ട്രംപിനും കുടുംബത്തിനുമുള്ള ഐക്യദാർഢ്യം യുഎഇ പ്രഖ്യാപിച്ചു. ട്രംപ് അതിവേഗം സുഖമാകട്ടെയെന്നും ആശംസിച്ചു. മരിച്ചയാളുടെ കുടുംബത്തോടും യുഎഇ അനുശോചനം അറിയിച്ചു.