മലയാളി യുവാവ് അൽ െഎനിൽ വാഹനാപകടത്തിൽ മരിച്ചു; അടുത്തയാഴ്ച നാട്ടിലേക്കു വരാനിരിക്കെ അപകടം
Mail This Article
×
ചക്കരക്കൽ (കണ്ണൂർ) ∙ ചക്കരക്കൽ സ്വദേശിയായ യുവാവ് യുഎഇയിലെ അൽഐനിലുണ്ടായ വാഹനാപകടത്തിൽ മരിച്ചു. ചക്കരക്കൽ മൗവ്വഞ്ചേരി സ്വദേശി അബ്ദുൽ ഹക്കീം (24) ആണ് മരിച്ചത്. ഇന്നലെ പുലർച്ചെ ഒന്നിന് ഹക്കീം ഓടിച്ച കാർ ട്രെയിലറിൽ ഇടിക്കുകയായിരുന്നു. സഹോദരൻ അസ്ഹറിനൊപ്പം അൽഐനിൽ ബിസിനസ് നടത്തുകയായിരുന്നു. സഹോദരിയുടെ വിവാഹത്തിൽ പങ്കെടുക്കാൻ അടുത്തയാഴ്ച നാട്ടിലേക്കു വരാനിരുന്നതാണ്.
അബ്ദുൽ ഖാദറിന്റെയും ഖൈറുന്നീസയുടെയും മകനാണ്. മറ്റു സഹോദരങ്ങൾ: ഹാജറ, ഹസ്ന. കബറടക്കം ഇന്ന് കണയന്നൂർ പള്ളിക്കണ്ടി പള്ളിയിൽ.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
