അജ്ഞാത ജഡം തിരിച്ചറിയാൻ പൊതുജനങ്ങളുടെ സഹായം തേടി ബർ ദുബായ് പൊലീസ്

ദുബായ് ∙ അജ്ഞാത ജഡം തിരിച്ചറിയാൻ ബർ ദുബായ് പൊലീസ് പൊതുജനങ്ങളുടെ സഹായം തേടുന്നു. ബർ ദുബായ് സ്‌റ്റേഷൻ പരിധിയിലുള്ള അൽഖൂസ് വ്യവസായമേഖല 2-ലാണ് പുരുഷന്‍റെ മൃതദേഹം കണ്ടെത്തിത്. മൃതദേഹത്തിൽ തിരിച്ചറിയൽ രേഖകളൊന്നും ഉണ്ടായിരുന്നില്ല.  

മരണകാരണം കണ്ടെത്താൻ മൃതദേഹം ഫോറൻസിക് സയൻസ് ആൻഡ് ക്രിമിനോളജി ജനറൽ ഡിപ്പാർട്ട്‌മെന്‍റിന്‍റെ ഫോറൻസിക് മെഡിസിൻ വിഭാഗത്തിലേയ്ക്ക് മാറ്റി. ഇങ്ങനെയൊരാളെ അന്വേഷിച്ച് ആരും പൊലീസിനെ സമീപിച്ചിട്ടില്ലെന്ന് അധികൃതർ പറഞ്ഞു. മൃതദേഹത്തെക്കുറിച്ച് എന്തെങ്കിലും വിവരം ലഭിക്കുകയാണെങ്കിൽ 901 എന്ന നമ്പറിൽ ബന്ധപ്പെടുക വിളിക്കുന്നയാൾ ദുബായിക്ക് പുറത്താണെങ്കിൽ അവർ കോൾ സെന്‍റർ നമ്പറിന് മുമ്പ് 04 ചേർക്കേണ്ടതുണ്ടെന്നും അറിയിച്ചു.