ഖലീൽ റഹ്മാൻ ഹഖാനിയുടെ മരണത്തിലേക്ക് നയിച്ച ആക്രമണത്തെ അപലപിച്ച് യുഎഇ

അബുദാബി ∙ അഫ്ഗാനിസ്ഥാനിലെ അഭയാർഥി വകുപ്പ് മന്ത്രി ഖലീൽ റഹ്മാൻ ഹഖാനിയുടെ മരണത്തിലേക്ക് നയിച്ച അഭയാർഥി മന്ത്രാലയത്തിന് നേരെ നടന്ന ആക്രമണത്തെ യുഎഇ ശക്തമായി അപലപിച്ചു. ഈ ക്രിമിനൽ പ്രവൃത്തികളെ ശക്തമായി അപലപിക്കുന്നുവെന്നും എല്ലാത്തരം അക്രമങ്ങളെയും ഭീകരതയെയും ശാശ്വതമായി നിരസിക്കുന്നുവെന്നും യുഎഇ വിദേശകാര്യ മന്ത്രാലയം  പ്രസ്താവനയിൽ പറഞ്ഞു.

അഫ്ഗാനിസ്ഥാനോടും അവിടുത്തെ ജനങ്ങളോടും പ്രത്യേകിച്ച്, ഈ ആക്രമണത്തിൽ കൊല്ലപ്പെട്ടവരുടെ കുടുംബങ്ങളോടും മന്ത്രാലയം ആത്മാർഥമായ അനുശോചനം അറിയിച്ചു.