കേളി അൽഖർജ് ഏരിയ ഹോത്ത യൂണിറ്റ് അനുശോചന യോഗം സംഘടിപ്പിച്ചു
Mail This Article
റിയാദ്∙ കേളി കലാസാംസ്കാരിക വേദി അൽഖർജ് ഏരിയ ഹോത്ത യൂണിറ്റ് നിർവാഹക സമിതി അംഗമായിരുന്ന ജനാർദ്ദനന്‍റെ വിയോഗത്തിൽ ഹോത്ത യൂണിറ്റ് അനുശോചന യോഗം സംഘടിപ്പിച്ചു. കണ്ണൂർ സ്വദേശിയായ ജനാർദ്ദനൻ കഴിഞ്ഞ 33 വർഷമായി ഹോത്ത ബാനി തമീമിൽ ഡ്രൈവറായി ജോലി ചെയ്തുവരികയായിരുന്നു. പക്ഷാഘാതത്തെ തുടർന്ന് റിയാദിലെ അൽ റാബീയ ആശുപത്രിയിൽ ചികിത്സയിലായിരിക്കെ ഹൃദയാഘാതത്തെ തുടർന്നാണ് മരിച്ചത്.
യൂണിറ്റ് പ്രസിഡന്‍റ് സജീന്ദ്രബാബുവിന്‍റെ അധ്യക്ഷതയിൽ ചേർന്ന യോഗത്തിൽ യൂണിറ്റ് ആക്ടിങ് സെക്രട്ടറി കെ. സിമണികണ്ഠൻ സ്വാഗതവും, യൂണിറ്റ് വൈസ് പ്രസിഡന്‍റ് സിദ്ധിഖ് എം.പി അനുശോചന കുറിപ്പ് വായിച്ചു. കേളി അൽഖർജ് ഏരിയ പ്രസിഡന്‍റ് ഷെബി അബ്ദുൾ സലാം, കേന്ദ്ര ജീവകാരുണ്യ കമ്മിറ്റി ജോയിന്‍റ് കൺവീനർ നാസർ പൊന്നാനി, ഏരിയ ട്രഷറർ ജയൻ പെരുനാട്, ജോയിന്‍റ് ട്രഷറർ രാമകൃഷ്ണൻ കൂവോട്, വൈസ് പ്രസിഡന്‍റ് ഗോപാലൻ, ഏരിയ രക്ഷാധികാരി അംഗം മണികണ്ഠൻ, ഏരിയ കമ്മിറ്റി അംഗങ്ങളായ ബഷീർ, ഷാജിഖാൻ, യൂണിറ്റ് ജോയിന്‍റ് ട്രഷറർ ശ്യാംകുമാർ രാഘവൻ, റഹീം ശൂരനാട്, കെ.എം.സി.സി. ജനറൽ സെക്രട്ടറി സിറാജുദീൻ, എച്ച്.എം.സി.ഒ. പ്രതിനിധികളായ അഷറഫ്, രമേശൻ, കേളി ഹോത്ത യൂണിറ്റ് നിർവാഹക സമിതി അംഗങ്ങളായ സലാം കെ. അഹമ്മദ്, നിയാസ്, അമീൻ നാസർ, മറ്റ് യൂണിറ്റ് അംഗങ്ങൾ എന്നിവർ അനുശോചനം രേഖപ്പെടുത്തി.
