അബ്​ദുൽ റഹീമിന്റെ കേസ്​ ഫെബ്രുവരി രണ്ടിന്​ വീണ്ടും പരിഗണിക്കും

റിയാദ് ∙ റിയാദിലെ ജയിലിൽ കഴിയുന്ന കോഴിക്കോട് ഫറോക്ക് കോടമ്പുഴ സ്വദേശി​ അബ്​ദുൽ റഹീമിന്റെ കേസ്​ ഫെബ്രുവരി രണ്ടിന്​ വീണ്ടും പരിഗണിക്കും. പുതിയ ജഡ്​ജിമാരെ കൂടി ഉൾപ്പെടുത്തിയ ബെഞ്ച്​ ഫെബ്രുവരി രണ്ടിന്​ രാവിലെ എട്ടിന്​ കേസിൽ വാദം കേൾക്കും.

ബുധനാഴ്​ച​ രാവിലെ​ എട്ടിന്​ റിയാദ്​ ​ക്രിമിനൽ കോടതിയിൽ സിറ്റിങ് നടന്നെങ്കിലും നിലവിലെ ബെഞ്ചിൽ മാറ്റം വരുത്തി കേസ് വീണ്ടും വിശദമായി​ കേൾക്കാനായി മാറ്റിവയ്ക്കാനായിരുന്നു കോടതി തീരുമാനം. 

ജയിലിൽനിന്ന്​ റഹീമും അഭിഭാഷക സംഘവും ഇന്ത്യൻ എംബസി ഉദ്യോഗസ്ഥൻ യൂസഫ് കാക്കഞ്ചേരിയും സഹായ സമിതി സ്​റ്റിയറിങ്​ കമ്മിറ്റി അംഗങ്ങളും ബുധനാഴ്ച നടന്ന ഓൺലൈൻ സിറ്റിങ്ങിൽ സന്നിഹിതരായിരുന്നു. മോചനകാര്യത്തിൽ തീരുമാനമെടുക്കാനുള്ള ആറാമത്തെ കോടതി സിറ്റിങ്ങാണ്​ ബുധനാഴ്ച​ നടന്നത്​.