ഓർമശക്തിയിൽ റെക്കോർഡിട്ട് മലയാളി ബാലിക; മൂന്ന് വയസ്സിൽ ഇന്ത്യ ബുക്ക് ഓഫ് റെക്കോർഡ്സ്

അബുദാബി ∙ കുഞ്ഞുനാളിൽ തന്നെ ഓർമശക്തിയിൽ ഇന്ത്യ ബുക്ക് ഓഫ് റെക്കോർഡ്സ് നേടി മലയാളി ബാലിക കെയ്റ്റ്ലിൻ ക്രിസ്. ഐബിആർ അച്ചീവർ വിഭാഗത്തിൽ റെക്കോർഡ് നേടുമ്പോൾ കെയ്റ്റിലിന് പ്രായം 3 വയസ്സും 10 മാസവും.

30 ജീവജാലങ്ങൾ, 22 രാജ്യങ്ങളുടെ പതാകകൾ, 25 വാഹനങ്ങൾ, 27 ഫലവർഗങ്ങൾ, 11 രൂപങ്ങൾ, 15 വിപരീതപദങ്ങൾ, 12 വർണങ്ങൾ, 20 പക്ഷികൾ, ശരീരത്തിലെ 20 അവയവങ്ങൾ, 23 പച്ചക്കറികൾ, 14 ഗാനങ്ങൾ,  8 ഗ്രഹങ്ങൾ തുടങ്ങിയവ കൃത്യമായി പറഞ്ഞാണ് പുരസ്കാരം സ്വന്തമാക്കിയത്. എറണാകുളം സ്വദേശികളായ ക്രിസ് കുര്യന്റെയും സ്മേര അലക്സിന്റെയും മകളാണ്.