റഷ്യ, യുക്രെയ്ൻ യുദ്ധം: യുഎഇ മധ്യസ്ഥതയിൽ 50 പേർക്ക് മോചനം

അബുദാബി ∙ യുദ്ധത്തിനിടെ പിടിക്കപ്പെട്ട് റഷ്യ, യുക്രെയ്ൻ ജയിലുകളിൽ കഴിയുന്ന 50 തടവുകാർക്ക് യുഎഇയുടെ മധ്യസ്ഥതയിൽ മോചനം. 25 യുക്രെയ്ൻ തടവുകാരെ റഷ്യയും 25 റഷ്യൻ തടവുകാരെ യുക്രെയ്നും കൈമാറി. 

ഇതുൾപ്പെടെ യുഎഇയുടെ ഇടപെടലിലൂടെ വിവിധ ഘട്ടങ്ങളിലായി മൊത്തം 2,583 തടവുകാർക്കാണ് മോചനം ലഭിച്ചത്. മധ്യസ്ഥ ശ്രമങ്ങളുമായി സഹകരിച്ച ഇരുരാജ്യങ്ങളെയും യുഎഇ വിദേശകാര്യ മന്ത്രാലയം അഭിനന്ദിച്ചു. റഷ്യ-യുക്രെയ്ൻ സംഘർഷം അവസാനിപ്പിച്ച് സമാധാനം വീണ്ടെടുക്കുന്നതിനുള്ള ശ്രമം തുടരുമെന്നും യുഎഇ വ്യക്തമാക്കി.