കുവൈത്തിൽ വാഹനാപകടം; മലയാളി യുവാവ് അന്തരിച്ചു

വിഴിഞ്ഞം ∙ കോട്ടുകാൽ പുന്നക്കുളം വേലായുധ സദനത്തിൽ നിധിൻ രാജ് (33) കുവൈത്തിലെ വാഹനാപകടത്തിൽ മരിച്ചതായി ബന്ധുക്കൾക്ക് വിവരം ലഭിച്ചു. 18ന് ഉണ്ടായ സംഭവത്തിൽ നിധിനുൾപ്പെടെ 5 പേർ സഞ്ചരിച്ച കാറിൽ ടാങ്കർ ലോറി വന്നിടിച്ചാണ് അപകടമെന്നു ബന്ധുക്കൾ പറഞ്ഞു.  

വാഹനമോടിച്ച കുവൈത്ത് സ്വദേശിയും മരിച്ചു. മൃതദേഹം കുവൈത്ത് ഞാബിർ അൽ മുബാറക്ക് ആശുപത്രിയിൽ. 6 മാസം മുൻപാണ് നിധിൻ കുവൈത്തിൽ ഡ്രൈവറായി ജോലിക്കു ചേർന്നത്. ഭാര്യ എം.എസ്.ലക്ഷ്മി. മക്കൾ: നിവേദ് എൻ.നായർ, നീരജ് എൻ.നായർ.