നായകനായി തിളങ്ങിയ 29 വർഷങ്ങൾ
ആവേശത്തിലാക്കാൻ ഷാറുഖ് എത്തുന്നു; ആഘോഷം 26ന് ഗ്ലോബൽ വില്ലേജിൽ

ദുബായ് ∙ ഗ്ലോബൽ വില്ലേജ് വേദിയിലേക്ക് ഷാറുഖ് ഖാൻ എത്തുന്നു. ലോക സിനിമയിലെ നായക പദവിയിലേക്ക് ഉയർന്നതിന്റെ 29–ാം വാർഷികമാണ് ഗ്ലോബൽ വില്ലേജിലെ ചടങ്ങിൽ ആഘോഷിക്കുന്നത്. മെയിൻ സ്റ്റേജിൽ 26ന് രാത്രി 8.30നാണ് ഷാറുഖ് എത്തുക.

നടന്റെ ജീവിതത്തിലെ സുപ്രധാന നിമിഷങ്ങൾ വിവരിക്കുന്ന പ്രത്യേക ഷോയോടെയാണ് പരിപാടി ആരംഭിക്കുക. അദ്ദേഹത്തിന്റെ എക്കാലത്തെയും ഹിറ്റ് ഗാനങ്ങളുടെ നൃത്താവിഷ്കാരവും അരങ്ങേറും. ഷാറുഖിന്റെ സിനിമാ ജീവിതത്തിനുള്ള ആദരം കൂടിയായ പരിപാടിയുടെ ഭാഗമായി കാണികൾക്കായി പ്രത്യേക മത്സരങ്ങളും സംഘടിപ്പിക്കുന്നുണ്ട്.