മലയാളി ജിദ്ദയിൽ അന്തരിച്ചു; മരണം ഉംറ നിർവഹിച്ച് മടങ്ങുന്നതിനിടെ

ജിദ്ദ ∙ ഉംറ കർമം നിർവഹിച്ച് നാട്ടിലേക്ക് പോകുന്നതിനിടെ ജിദ്ദ വിമാനതാവളത്തിൽ വച്ച് അസുഖം ബാധിച്ച കണ്ണൂർ സ്വദേശി അന്തരിച്ചു. കണ്ണൂർ കുത്തുപറമ്പ് പാനൂർ ചെണ്ടയാട് സ്വദേശി ഇബ്രാഹിം കുട്ടി (74) ആണ് മരിച്ചത്. നാട്ടിലേക്ക് തിരിച്ചുപോകുന്നതിനിടെ വിമാനത്താവളത്തിൽ വച്ച് ശ്വാസതടസ്സം അനുഭവപ്പെട്ടതിനെ തുടർന്ന് ഇന്നലെ ഒബ്ഹൂർ കിങ് അബ്ദുള്ള ആശുപത്രിയിൽ പ്രവേശിപ്പിച്ചതായിരുന്നു. ചികിത്സയിലിരിക്കെയാണ് മരണം സംഭവിച്ചത്. സഹായങ്ങൾക്കും നടപടി ക്രമങ്ങൾക്ക് നേതൃത്വം നൽകുന്നതിനുമായി ജിദ്ദ കെഎംസിസി വെൽഫയർ വിങ് രംഗത്തുണ്ട്.