അഖില സന്തോഷ് എഴുതിയ ബാലസാഹിത്യകൃതി പ്രകാശനം ചെയ്തു

റാസൽഖൈമ ∙ റാസൽ ഖൈമ ഐഡിയൽ സ്‌കൂൾ എംഎസ് സിഎസ് വിഭാഗം  ഹെഡ് മിസ്ട്രസ്  അഖില സന്തോഷിന്റെ "കുഞ്ഞീടെ കുഞ്ഞിപ്പാട്ടുകൾ"  എന്ന   ബാലസാഹിത്യകൃതി കവിയും ചലച്ചിത്ര ഗാനരചയിതാവുമായ വിനോദ് വൈശാഖി  പ്രകാശനം ചെയ്തു.  ശിശുക്ഷേമവകുപ്പ് ജനറൽ സെക്രട്ടറി ജി.എൽ അരുൺ ഗോപിയും കുട്ടികളും ഏറ്റുവാങ്ങി. 

മധ്യപ്രദേശ് മലയാളം മിഷൻ ചാപ്റ്റർ വിദ്യാർഥിനി മാളവിക സ്വാഗത ഗാനമാലപിച്ചു. എഴുത്തുകാരൻ ഉണ്ണി അമ്മയമ്പലം  പുസ്തകപരിചയം  നടത്തി.തമിഴ്​നാട്ചാപ്റ്റർ കൺവീനർ സ്മിത പി ആർ അധ്യക്ഷത വഹിച്ചു.   കാരക്ക മണ്ഡപം വിജയകുമാർ,  സഫറുള്ള പാലപ്പെട്ടി അജന്ത, ജയശ്രീ, ശ്രീകുമാരി എന്നിവർ  പ്രസംഗിച്ചു.  ചേതന റാസൽഖൈമ ബാലവേദി കൺവീനർ ആഷ്യ സോനു റേച്ചൽ, ഐഡിയൽ ഇംഗ്ലിഷ് സ്കൂൾ , അഖില സന്തോഷ്  മലയാളം ക്ലബ് കൺവീനർ സമന്യ കൃഷ്ണൻ എന്നിവർ പങ്കെടുത്തു.