കേരള സോഷ്യൽ സെന്റർ ഇഫ്‌താർ സംഗമം

അബുദാബി ∙ കേരള സോഷ്യൽ സെന്റർ ഇഫ്‌താർ സംഗമം നടത്തി. വേൾഡ് കെഎംസിസി വൈസ് പ്രസിഡന്റ് യു.അബ്‌ദുല്ല ഫാറൂഖി റമസാൻ സന്ദേശം നൽകി. ഇന്ത്യൻ എംബസി പ്രതിനിധി പ്രേംചന്ദ്, എഴുത്തുകാരൻ ടി.ഡി രാമകൃഷ്ണൻ, കെ.എസ്.സി പ്രസിഡന്റ് എ.കെ.ബീരാൻകുട്ടി,  ജനറൽ സെക്രട്ടറി നൗഷാദ് യൂസഫ്, കമ്യൂണിറ്റി പൊലീസ് മേധാവി ആയിഷ അൽ ഷെഹി എന്നിവർ പ്രസംഗിച്ചു.

വിവിധ സംഘടനാ ഭാരവാഹികൾ, വ്യവസായ പ്രമുഖർ, മാധ്യമ പ്രവർത്തകർ തുടങ്ങി നൂറുകണക്കിന് ആളുകൾ സമൂഹ നോമ്പുതുറയിൽ പങ്കെടുത്തു. സെന്റര് മുൻ മാനേജിങ് കമ്മിറ്റി അംഗം അബ്ദുൽലത്തീഫ് പള്ളിക്കലിന്റെ വേർപാടിൽ അനുശോചനം രേഖപ്പെടുത്തി.