യുഎഇ മാധ്യമങ്ങളില്‍ വിദേശികൾ സ്വദേശികളുടെ ശൈലിയില്‍ സംസാരിക്കുന്നതിന് വിലക്ക്
Mail This Article
അബുദാബി ∙ യുഎഇയില്‍ സ്വദേശികളല്ലാത്തവര്‍ മാധ്യമങ്ങളില്‍ പ്രത്യക്ഷപ്പെട്ട് സ്വദേശികളുടെ ശൈലിയില്‍ സംസാരിക്കുന്നതിന് വിലക്ക്. ചാനലുകളില്‍ യുഎഇ ശൈലിയില്‍ സംസാരിക്കാന്‍ പൗരന്മാര്‍ക്ക് മാത്രമാണ് അനുമതിയുള്ളത്.
ചില മാധ്യമങ്ങളില്‍ യുഎഇ ഭാഷാശൈലിയും സാംസ്‌കാരിക ചിഹ്നങ്ങളും വളച്ചൊടിക്കപ്പെടുന്നതാണ് സ്വദേശികളല്ലാത്തവര്‍ ഈ ശൈലയില്‍ ചാനലുകളില്‍ സംസാരിക്കുന്നത് വിലക്കാന്‍ കാരണം.
പദ്ധതികളെ കുറിച്ച് സ്വദേശികളല്ലാത്തവരും ദേശീയ വസ്ത്രം ധരിക്കാത്തവരുമായ ആരും ചാനല്‍ പരിപാടികളില്‍ പങ്കെടുത്ത് സംസാരിക്കാന്‍ പാടില്ല എന്ന പുതിയ നയം മൂന്ന് മാസം മുൻപ് നടപ്പാക്കിയതായി നാഷനല്‍ മീഡിയ ഓഫിസ്, എമിറേറ്റ്‌സ് മീഡിയ കൗണ്‍സില്‍ ചെയര്‍മാൻ അബ്ദുല്ല ബിന്‍ മുഹമ്മദ് ആലുഹാമിദ് പറഞ്ഞു.
യുഎഇ സമൂഹത്തിന്റെ ശരിയായ വ്യക്തിത്വം മറ്റുള്ളവരില്‍ എത്തിക്കാന്‍ വേണ്ടിയാണ് ഇത്തരമൊരു നിയന്ത്രണം നടപ്പാക്കിയതെന്നും അബ്ദുല്ല ബിന്‍ മുഹമ്മദ് അൽ ഹാമിദ് പറഞ്ഞു.
UAE: Only citizens can speak in Emirati dialect on media channels in new policy
