പഹൽഗാം ഭീകരാക്രമണം: ജീവൻ പൊലിഞ്ഞവർക്ക്‌ ആദരാഞ്ജലി അർപ്പിച്ച് ഒഐസിസി ഹഫർ അൽ ബത്തീൻ കമ്മിറ്റി

ഹഫർ അൽ ബത്തീൻ∙ സൗദി ഒഐസിസി ഹഫർ അൽ ബത്തീൻ കമ്മിറ്റി പഹൽഗാം ഭീകരാക്രമണത്തിൽ ജീവൻ നഷ്ടമായവരുടെ വിയോഗത്തിൽ അഗാധമായ അനുശോചനം രേഖപ്പെടുത്തി. പ്രസിഡന്റ് വിബിൻ മറ്റത്തിന്റെ അധ്യക്ഷതയിൽ ചേർന്ന യോഗത്തിൽ രാജ്യത്തിന് എതിരായുള്ള ഇത്തരം ഭീകര പ്രവർത്തനങ്ങളെ ഒറ്റക്കെട്ടായി ചെറുക്കുമെന്ന് അംഗങ്ങൾ പ്രതിജ്ഞയെടുത്തു.

മനുഷ്യത്വരഹിതമായ ഈ ഭീകരാക്രമണത്തെ യോഗം ശക്തമായി അപലപിച്ചു. ഭരണകൂടത്തിന്റെ ഭാഗത്തുനിന്നുണ്ടായ വീഴ്ചകളെക്കുറിച്ചും ഭീകരവാദികളുടെ രാജ്യവിരുദ്ധ അജണ്ടയെക്കുറിച്ചും യോഗം ചർച്ച ചെയ്തു.