കുട്ടിത്തം ആഘോഷിച്ച് കുട്ടികളുടെ വായനോത്സവം; പാടാൻ പഠിപ്പിച്ച് അലി അൽ അൽഫി

ഷാർജ ∙ ആസ്വാദകർക്കും അവനവനും വേണ്ടി ആസ്വദിച്ചു പാടാനുള്ള പാഠങ്ങളുമായി ഈജിപ്ഷ്യൻ ഗായകൻ അലി അൽ അൽഫി ഷാർജ കുട്ടികളുടെ വായനോത്സവത്തിനെത്തി. സഭാകമ്പമകറ്റി ആസ്വാദകരുമായി നേരിട്ടു സംവദിക്കുന്ന ശബ്ദങ്ങളാകാൻ കുരുന്നുകളെ പരിശീലിപ്പിക്കുകയാണ് അലി ചെയ്യുന്നത്.

ശ്വാസം പിടിച്ചു വയ്ക്കാനുള്ള കഴിവ് വളർത്തുക, ശബ്ദം സുന്ദരമാക്കാനുള്ള വ്യായാമങ്ങൾ പരിശീലിപ്പിക്കുക, മൈക്ക് ഉപയോഗിക്കുന്നതിന്റെ രീതികൾ പഠിപ്പിക്കുക എന്നിവയാണ് പ്രധാനമായും ചെയ്തത്. ചെറിയ കളികളിലൂടെ വലിയ പാഠങ്ങൾ പഠിപ്പിക്കുന്നതാണ് അലിയുടെ ശൈലി.