ദുബായിലെ മുൻ സിവിൽ ഡിഫൻസ് തലവൻ അന്തരിച്ചു; അനുശോചനം രേഖപ്പെടുത്തി ഷെയ്ഖ് ഹംദാൻ

ദുബായ് ∙ മുൻ സിവിൽ ഡിഫൻസ് തലവൻ അലി അൽ സയ്യിദ് ഇബ്രാഹിം അൽ സദ അന്തരിച്ചു. മരണത്തിൽ യുഎഇ ഉപപ്രധാനമന്ത്രിയും പ്രതിരോധ മന്ത്രിയും ദുബായ് കിരീടാവകാശിയുമായ ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം അനുശോചനം രേഖപ്പെടുത്തി.

അലി അൽ സയ്യിദ് ഇബ്രാഹിം അൽ സദ തന്റെ കാലയളവിൽ ദുബായിലെ സിവിൽ ഡിഫൻസ് സംവിധാനത്തിന്റെ വികസനത്തിനായി വലിയ ശ്രമങ്ങൾ നടത്തിയിരുന്നുവെന്നും ദുബായിലെ ജനങ്ങൾക്ക് സേവനം നൽകിയ വ്യക്തികളോട് എന്നും നന്ദിയുള്ളവരായിരിക്കുമെന്നും ഷെയ്ഖ് ഹംദാൻ പറഞ്ഞു. ദുബായിലെ അൽ ഷുഹദാ പള്ളിയിൽ  മയ്യിത്ത് നമസ്കാരത്തിന്  ശേഷം അൽ സദയുടെ  മൃതദേഹം കബറടക്കി.