കുവൈത്തിൽ വാഹനമിടിച്ച് പ്രവാസി മലയാളി മരിച്ചു; വിട പറഞ്ഞത് കണ്ണൂർ സ്വദേശി

തളിപ്പറമ്പ് ( കണ്ണൂർ) ∙ കുറ്റിക്കോൽ പാറാട് സ്വദേശിയായ യുവാവ് കുവൈത്തിൽ വാഹനമിടിച്ചു മരിച്ചു. മുൻപു ബദരിയ നഗറിൽ താമസിച്ചിരുന്ന മണ്ണൻ മുനീറാണു(37) മരിച്ചത്. ജോലി സ്ഥലത്തുനിന്നു താമസസ്ഥലത്തേക്കു പോകുന്നതിനിടെ, കഴിഞ്ഞ ദിവസം രാത്രി 10.30നു കുവൈത്ത് സാൽവ റുമൈതിയയിലാണ് അപകടം.

മുൻപു സൗദിയിലായിരുന്ന മുനീർ 2 വർഷമായി കുവൈത്തിൽ ഡ്രൈവറായി ജോലി ചെയ്യുകയാണ്. ഹക്കീം – റുഖിയ ദമ്പതികളുടെ മകനാണ്. ഭാര്യ: റാഹില കാസർകോട്. മക്കൾ: ഫൈസാൻ, ഫിദ, ഫാത്തിമ. സഹോദരങ്ങൾ: സുഹറ, സാബിറ, റാഷിദ്, ഇഖ്ബാൽ, ഫവാസ്. മൃതദേഹം നാട്ടിലേക്ക് കൊണ്ടുവരാനുള്ള നടപടികൾ ആരംഭിച്ചു.