മസ്കത്തിലെ ഷോപ്പിങ് സെന്ററിൽ മോഷണം; ഇന്ത്യക്കാരൻ ഉൾപ്പെടെ അഞ്ചു പ്രവാസികൾ പിടിയിൽ

മസ്കത്ത്∙ മസ്കത്തിലെ ഒരു പ്രമുഖ ഷോപ്പിങ് സെന്ററിൽ നിന്ന് മൊബൈൽ ഫോണുകളും മറ്റ് ഇലക്ട്രോണിക് ഉൽപന്നങ്ങളും മോഷ്ടിച്ച അഞ്ചംഗ പ്രവാസി സംഘം റോയൽ ഒമാൻ പൊലീസിന്റെ പിടിയിലായി. അറസ്റ്റിലായവരിൽ നാല് പേർ ശ്രീലങ്കൻ പൗരന്മാരും ഒരാൾ ഇന്ത്യക്കാരനുമാണ്. 

പൊലീസ് ഡയറക്ട്രേറ്റ് ജനറൽ ഓഫ് എൻക്വയറീസ് ആൻഡ് ക്രിമിനൽ ഇൻവെസ്റ്റിഗേഷൻ വിഭാഗം നടത്തിയ അന്വേഷണത്തിലാണ് പ്രതികൾ വലയിലായത്. മോഷ്ടിച്ച ഉൽപന്നങ്ങൾ ഇവരിൽ നിന്ന് കണ്ടെടുത്തിട്ടുണ്ട്. അറസ്റ്റിലായവർക്കെതിരെ ഒമാൻ പൊലീസ് നിയമനടപടികൾ സ്വീകരിച്ചു.