പ്രവാസി ഇന്ത്യക്കാരൻ സൗദിയിൽ അന്തരിച്ചു; മരണം പ്രവാസം അവസാനിപ്പിച്ച് നാട്ടിലേക്ക് മടങ്ങാനിരിക്കെ

ഹഫർ അൽ ബാത്ത് ∙ മൂന്നര പതിറ്റാണ്ടായി പ്രവാസിയായ ഇന്ത്യക്കാരൻ കിഴക്കൻ പ്രവിശ്യയിലെ ഹഫർ അൽ ബാത്തിനിൽ അന്തരിച്ചു. ദിബിയായിൽ ജോലി ചെയ്തിരുന്ന തമിഴ്നാട്, ചെങ്കൽപട്ടം കോവളം സ്വദേശി തമീം അൻസാരി (56) ആണ് മരിച്ചത്. പ്രവാസം അവസാനിപ്പിച്ച് ഈ മാസം  നാട്ടിലേക്ക് മടങ്ങാനുള്ള ഒരുക്കങ്ങൾക്കിടെ സുഹൃത്തിനെ സന്ദർശിക്കാൻ എത്തിയ തമീം അൻസാരിക്ക് അവിടെ വച്ച് നെഞ്ചുവേദന അനുഭവപ്പെട്ടതിനെ തുടർന്ന് ആശുപത്രിയിൽ പ്രവേശിപ്പിച്ചുവെങ്കിലും മരണം സംഭവിച്ചു.

ഭാര്യ: അമീറ നിഷ, മകൾ: അസീമ ബാനു. ഹഫർ അൽ ബാത്തീൻ  ഒഐസിസി പ്രസിഡന്റ് വിബിൻ മറ്റത്തിന്റെ നേതൃത്വത്തിൽ നിയമ നടപടികൾ പൂർത്തിയാക്കി. വീട്ടുകാരുടെ അനുമതിയോടെ  സുഹൃത്ത് സുൽത്താനും  സഹപ്രവർത്തകരും ചേർന്ന് മൃതദേഹം  ഹഫർ ആൽ ബാത്തിനിൽ ഖബറടക്കം നടത്തി.