sections
MORE

ഇരവും പകലും

girl
SHARE

ഞാൻ,

മഞ്ഞുനീർത്തുള്ളിയെ 

ഇടനെഞ്ചിലൊതുക്കി,

വേനലാകാൻ കൊതിച്ച്, 

മഴയായിമാത്രം പൊഴിഞ്ഞവൾ ...

നീ,

നിലാവായിവന്നുദിച്ച്, 

സൂര്യനായ് ചിരിച്ച്,

മഴമേഘങ്ങളോടെതിർത്തു ജയിച്ചവൻ...

ഞാൻ,

മറയുന്ന മാമരക്കാഴ്ചകളിൽ, 

തണൽ തേടി നടന്നവൾ..

നീ,

അഴലുന്ന ആകാശക്കീഴിൽ ,

എന്നുംനിറമാർന്ന 

കുടയായി തീർന്നവൻ..

നമ്മൾ,

സൗരയൂഥപഥങ്ങളിൽ നിത്യവും, 

അന്യഗ്രഹങ്ങളായി, 

മുഖം കാണാതലഞ്ഞു തിരിഞ്ഞവർ...

അതിനാലാകാം, 

നീ ശരിയും 

ഞാൻ തെറ്റുമായിത്തീർന്നത് 

അതിനാലാകാം, 

നീ സത്യവും,

ഞാൻ വെറുമൊരു കള്ളവുമായിത്തീർന്നതും.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN MY CREATIVES
SHOW MORE
FROM ONMANORAMA