പകരം വയ്ക്കാനാവാത്ത മാതൃസ്േനഹം

അരിസോന∙ രാവിലെ ഏതാണ്ട് മൂന്നു മണി  , ഏതോ ഒരു പക്ഷിയുടെ നിർത്താതെ ഉള്ള  കരച്ചിൽ കേട്ടാണ് ഉണർന്നത് , പതിയെ വീടിന്റെ മുൻപിലെ ജനൽ പാളി  പൊക്കി നോക്കി , ഒരു ചെറിയ കിളി മുകളിൽ , തൂണിൽ ഇരുന്നു താഴേക്ക് നോക്കി കരയുകയാണ് , അപ്പോഴാണ് ശ്രദ്ധിച്ചത് നിലത്തു അതാ പൊട്ടികിടക്കുന്നു ഒരു കുഞ്ഞു കിളിമുട്ട , ക്യാമറ എടുത്തു റെക്കോർഡ് ചെയ്താലോ എന്നാലോചിച്ചു , കിളി അപ്പോഴേക്കും പറന്നു പോയാലോ ? കയ്യിൽ ഇരുന്ന സെൽഫോണിൽ , റൂമിലിരുന്ന് കൊണ്ട്  റെക്കോർഡ് ചെയ്തു … എപ്പോഴാണീ കിളി കരച്ചിൽ തുടങ്ങിയതെന്നറിയില്ല … പക്ഷെ അത് താഴേക്ക് പലപ്രാവശ്യം നോക്കും , കരയും , അതിന്റെ നഷ്‌ടമായ കുഞ്ഞിനെ ഓർത്ത്.

അതാണ് മാതൃ സ്നേഹം , അതിനോടുപമിക്കാൻ ഒന്നും ഇല്ല , അത് പക്ഷി ആയാലും , മൃഗമായാലും , മനുഷ്യനായാലും  , അമ്മയുടെ സ്നേഹം ഒന്ന് വേറെ തന്നെ , ഇപ്പോളത്തെ ന്യൂ ജനറേഷൻ 'അമ്മമാരെ കുറിച്ചല്ല ഞാൻ പറയുന്നത്  , ഇപ്പൊ കാമസുഖത്തിനായി പ്രസവിച്ച കുഞ്ഞിനെ കൊല്ലുന്ന  അമ്മമാരേ കുറിച്ചല്ല ( എല്ലാ 'അമ്മമാരും  അങ്ങനെ അല്ല ) ഞാൻ പറയുന്നത് . ആ പഴയ കാല  സ്നേഹം ഉള്ള അമ്മമാരേ കുറിച്ച് , കൈ വളരുന്നോ  , കാൽ  വളരുന്നോ  , എന്ന് നോക്കി കുഞ്ഞുങ്ങൾക്കായി അവരുടെ ജീവനെ വരെ കൊടുക്കാൻ തയാറുള്ള അമ്മമാരെപ്പറ്റി  , രാവിലെ എണീറ്റ് പൊതിച്ചോറ് കെട്ടി , സ്കൂളിൽ മക്കളെ കൊണ്ടാക്കി , വൈകിട്ട് അവരെ തിരിച്ചു കിലോമീറ്ററുകളോളം നടന്നു വീട്ടിൽ എത്തിച്ചിരുന്ന  അമ്മമാരേ പറ്റി  , കുട ഇല്ലാഞ്ഞിട്ടും സാരിത്തുമ്പ് കൊണ്ട് തന്റെ കുഞ്ഞിന്റെ തല മറച്ചു പിടിച്ചു തൻ നനഞ്ഞു നടന്നിരുന്ന അമ്മമാരേ പറ്റി  , സ്കൂൾ ബസ് വരാൻ  , അൽപം വൈകിയാൽ , ആവലാതി പിടിച്ചു റോഡിൽ വടക്കോട്ടും തെക്കോട്ടും , കിഴക്കോട്ടും ഓടി നടന്നിരുന്ന , അമ്മമാരേ പറ്റി  , സ്വന്തം വയറു നിറക്കാൻ വഴിയില്ലാഞ്ഞിട്ടും , തന്റെ കുഞ്ഞുങ്ങളെ വിശക്കാതിരിക്കാൻ , മറ്റുള്ളവരുടെ വീട്ടിൽ പോയി ജോലി ചെയ്തു , കിട്ടുന്ന ചോറും , പൈസയും തന്റെ കുഞ്ഞുങ്ങൾക്കായി  വീട്ടിൽ കൊണ്ടുവരുന്ന അമ്മമാരേ പറ്റി  , പുതു ജനറേഷന് ഒരു പക്ഷെ ഇതൊന്നും കേട്ടറിവ് പോലും ഇല്ലായിരിക്കാം. 

പണക്കൊഴുപ്പിൽ കഴിയുന്ന നിങ്ങൾക്കിത്  ഒരു പക്ഷെ കിഴവി കഥ ആവാം , പക്ഷെ അങ്ങനെ ഒരു കാലം ഉണ്ടായിരുന്നു , അങ്ങനെ ചില 'അമ്മ മാർ ഉണ്ടായിരുന്നു നമുക്ക് , അമ്മയോട് മുത്തശ്ശിയോടൊ ഒക്കെ ചോദിച്ചു നോക്ക് ...അവർ പറയും , തന്റെ കുഞ്ഞുങ്ങളെ വളർത്താൻ അവർ കഷ്ടപ്പെട്ടതിന്റെ കഥകൾ ... മനുഷ്യർ മാത്രം അല്ല , മൃഗങ്ങളും … ഈ അടുത്തിടെ , സ്വന്തം കുഞ്ഞിനെ രക്ഷിക്കാൻ വേണ്ടി , പാഞ്ഞു വരുന്ന പുലിയുടെ മുന്നിലേക്ക്  സ്വയം ചാടി  പെട്ട കുഞ്ഞിനെ രക്ഷിച്ച ഒരു മാന് പെട സോഷ്യൽ മീഡിയയിൽ വലിയ തരംഗം ആയിരുന്നല്ലോ .... അതാണ് 'അമ്മ ...സ്വന്തം കരൾ , സ്വന്തം കിഡ്നി , സ്വന്തം ജീവൻ എല്ലാം  തന്റെ കുഞ്ഞുങ്ങൾക്കുവേണ്ടി പകുത്തു കൊടുക്കുന്ന 'അമ്മ ...ആ സ്നേഹം പോലെ മറ്റൊന്നില്ല , ഈ പക്ഷി മദേഴ്സ് ഡേ യിൽ  അവിചാരിതമായാവാം  എന്റെ  വീടിനു മുൻപിൽ വന്നത് … രാത്രി മുഴുവനും അത് അതിന്റെ ദുഃഖം കരഞ്ഞു തീർക്കുന്നുണ്ടായിരുന്നു …. ഈ മദർസ്  ടയിൽ  സന്തോഷിക്കുന്നതിനോടൊപ്പം , തന്റെ കുഞ്ഞുങ്ങളെ നഷ്ടപ്പെട്ട അമ്മമാരുടെ വേദനയിലും പങ്കുചേരാം .... ഈ വീഡിയോ ലോകം എമ്പാടും ഉള്ള മനോരമയുടെ വായനക്കാരായ , സ്നേഹം ഉള്ള എല്ലാ അമ്മമാർക്കും വേണ്ടി സമർപ്പിക്കുന്നു ... ഹാപ്പി മദേഴ്സ് ഡേ ….​

​ആർട്ടിക്കിൾ  & വീഡിയോ  : സതീഷ് പദ്മനാഭൻ