നീയുണരും മുൻപേ
Mail This Article
ഒരു സ്നേഹച്ചെടിതൻ ചില്ലയിൽ കൊഴിയാൻ
ഒരുകാലം മൊട്ടിട്ടു വിരിഞ്ഞൊരു പൂവാണ് നീ
ഒളിമിന്നുമോർമകൾ ദശാബ്ദങ്ങൾ കടന്നിട്ടും
ഒരുക്കൂട്ടിവെച്ചെന്നോർമയിൽ മരിക്കാതെയിന്നും
നിർവ്യാജമാം നിൻ സ്നേഹം പൂമ്പാറ്റകൾക്കും
നൽകി നവ്യമാം സൗരഭ്യം മായാതെ മനസ്സിൽ
നനവിൽ നാമ്പെടുത്ത ചെറു വിത്തിൻ മുകുളങ്ങൾ
നിലാവിൽ തിളങ്ങി ചുറ്റിലും മാലാഖാമാർപോലെ
നിൻ പുഞ്ചിരി പകർന്ന നീഹാര ബിന്ദുക്കളൊക്കെ
നിധിയായിന്നും സൂക്ഷിച്ചു കൂട്ടുകാർ നീയറിയാതെ
നിൻ വിരഹം നൽകിയ വേദന ഭാരമായ് പറക്കാതെ
നിൻ കാമുകനാ മനോഹര ശലഭം ശയിക്കുന്നു ഭൂവിൽ
നിന്നെയറിയുന്നവർ ഭൂവിലവിടവിടയായ് മേവുന്നു
മധുരിക്കുമോർമകൾ മാത്രം ചാലിച്ചു നിൻ ചിത്രം
മനസ്സിന്റെയാൽബത്തിലെന്നേക്കും സൂക്ഷിച്ചുവെച്ചു
നീയുണരും മുമ്പേ നിനക്കായി നിവേദിക്കുവാൻ.
(33 വർഷം മുൻപ് കടന്നു പോയ
സുഹൃത്തിന്റെ ഓർമയ്ക്ക് മുൻപിൽ സമർപ്പിക്കുന്നു)