കൊറോണ വാഴും കാലം

വിടവാങ്ങുകില്ലേ കോവിടേ, നിന്നെ 

തടയുവാൻ ഞങ്ങൾക്കു വാക്സിനില്ല,

തുടച്ചുനീക്കാൻ മരുന്നില്ല,  ഞങ്ങൾ -

 പിടയും മനസ്സുമായ് കാത്തിരിപ്പൂ.

പണിയില്ല, പണമില്ല, സ്വൈരമില്ല,

കെണിയിലകപ്പെട്ട പക്ഷിപോലെ 

പാറിപ്പറക്കുന്ന നാളിനായി 

നോക്കിയിരിപ്പാണു  ലോകരെല്ലാം.

കൈകൾ കഴുകി മടുത്തു  ഞങ്ങൾ, മുഖം-

മാസ്കിനാൽ പാതി മറച്ചിടുന്നു,

മിത്രത്തെ  കണ്ടാലറിയുന്നി, ലയ്യയ്യോ ,

ചിത്രമിതെത്രയോ  ശോചനീയം!!

ഇത്തിരിക്കുഞ്ഞനാം  വൈറസേ നീ 

ഒത്തിരി നാശം  വിതച്ചിടുന്നു;

സമ്പദ്‌വ്യവസ്ഥ  തകർന്നിടുന്നു, കഷ്ടം!

ലോകമോ കീഴ്മേൽ മറിഞ്ഞിടുന്നു.

കോവിടേ, നിൻ ചിരി  നീളുകില്ല,

നിൻറ്റെ  സംഹാരം നിലക്കും വേഗം.

മർത്യൻ  ജയിച്ചിടും, നിന്നെ തുരത്തിടും,

അവനിയിലാശ്വാസം  വന്നണയും.