ADVERTISEMENT

 

മനുഷ്യൻ

 

മനസ്സ് പാളിപ്പോയ 

 

ഒരു മെജീഷ്യൻ 

 

സ്പീഷിസുകളുടെ 

 

കഥകളിലൊന്നും 

 

ഇത്ര ഭയങ്കരൻ എല്ലാം

 

വീക്ഷിച്ചിരിപ്പുണ്ടെന്ന്

 

ഓർത്തേ ഇല്ല 

 

ഇനിയിപ്പോൾ 

 

ചരടുകൾ മാത്രമെടുത്ത്

 

ഒരു കുലുക്കിക്കുത്തു നടത്താം 

 

പെടുന്നവർ പെടട്ടെ 

 

പെഴയ്ക്കാൻ അതേയുള്ളു 

 

പോംവഴി....

 

മണ്ണ് 

 

കണ്ണുണ്ടേൽ കണ്ടോ 

 

മണ്ണിന്റൊരു പുന്നാരം 

 

അടിഞ്ഞുചേരാൻ  

 

അവളേ ഉള്ളൂ 

 

മുടിച്ചിട്ടും 

 

മിണ്ടാത്തവൾ 

 

മുച്ചൂടും 

 

നശിച്ചിപ്പോ 

 

കിന്നാരം 

 

പറയുന്നു 

 

സാരമില്ല 

 

അവൾ 

 

നല്ലൊരു 

 

കിടക്ക 

 

വിരിച്ചുതരും 

 

ഉറങ്ങിക്കോ 

 

നീണ്ട ഉറക്കം

 

വിഷാദം 

 

ശ്ശോ  

 

അവളാള് 

 

ശരിയല്ല 

 

മുഷിച്ചിൽക്കാരി 

 

മുനിഞ്ഞിരുന്ന് 

 

മൂക്ക് ചീറ്റിക്കൊണ്ടിരിക്കും 

 

വാ മക്കളേ 

 

അടിച്ചുപൊളിക്ക് 

 

ഒത്താലൊരു വർഷം 

 

എന്തെങ്കിലും ഒപ്പിച്ചിട്ടേ 

 

കീയാവൂ

 

മുങ്ങി നിവരാനൊരു നദി

 

മുങ്ങിയാൽ 

 

നിവരുമെന്ന് 

 

എന്നുറപ്പ് 

 

പഹയാ?

 

ആകെ മുങ്ങിയാൽപ്പോലും 

 

കുളിരാത്ത കാലമാണ് 

 

ഇനി വല്ലാതെ കുളിർന്നാൽ 

 

കോറൻറ്റൈനിൽ തള്ളും  

 

നദി ഓക്കേ 

 

നാറിയാലും 

 

നീങ്ങിക്കൊണ്ടിരിക്കും 

 

അപ്പോ 

 

മുങ്ങണോ  

 

നിവരണോ 

 

നദിയോടുതന്നെ 

ചോദിക്ക്

 

മിശ്രിതം

 

ഇഞ്ചി 

 

ജീരകം 

 

ചെറുനാരങ്ങ 

 

വെട്ടിത്തിളപ്പിച്ച് 

 

കട്ടിയായിത്തന്നെ 

 

വേന്തിക്കൊണ്ടിരുന്നോ 

 

ഉന്തുവണ്ടിയിലെടുക്കാതെ 

 

സന്തുബന്ധുക്കളെക്കണ്ട് 

 

രണ്ടുനാലു ദിനം കൂടി 

 

കഴിഞ്ഞുകൂടാം

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com