sections
MORE

ഒരു കോവിഡ് പ്രണയഗീതം

SHARE

സഖീ 

മറവിയിലാഴുന്നു 

മധുരചുംബന 

മാസ്മരലഹരിതൻ 

മായാജാലങ്ങൾ

ദൂരസുരക്ഷിത

വ്യാപനരഹിത 

താവളമൊരുക്കി 

മാറിയിരുന്നു നാം 

ഭാഗവതത്തിൻ 

ഭാവവിശാലത 

തേവിത്തേവിയിരുട്ടിൻ 

ശാസനമകറ്റാൻ 

പാടുപെട്ടീടവേ 

പാദസരത്തിൻ 

പാടുകൾ വീണ നിൻ 

പാദങ്ങളിലെൻ 

ശ്വാസത്തുടുവിരൽ 

മൂളിപ്പറന്നെത്തി 

താളമിട്ടലയാൻ 

മേളപ്പെരുമഴ 

പെയ്തിടുന്നു....

രാവാണറിവൂ

കാവ്യമായ് നിൻ വിരൽ 

കാതോരമൊഴുകും 

കാമനക്കുളിരുകൾ 

കേളീരഹിതമടങ്ങിയിരിപ്പൂ 

തൂനിലാക്കൂട്ടിൻ ഗുഹയിൽ.... 

വായ്മറ നീക്കി 

വാരിപ്പുണർന്നീ 

വാതായനക്കുളിർ  

വാനസമൃദ്ധിയിൽ 

വായിട്ടലച്ചു രമിക്കാൻ 

വേഗം വരു നീ 

വേണിയുതിർത്തെൻ 

വേപഥു തഴുകിയകറ്റൂ 

സഖീ....

സഖീ............

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN MY CREATIVES
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA