ADVERTISEMENT

അതികാലത്തു ഹൃദയത്തിലുദിച്ചു വരുമെൻ 

അറിവിന്റെ ഉറവിടമാമെൻ ശ്രീ യേശുദേവാ...

അരുളീടണം തിരുവചനങ്ങളീയുദയത്തിലും  

അനുഗ്രഹമാകണമീദിനവും നിൻ മഹിമക്കായി.  

 

മാതൃകയാകുവാൻ വരമരുളേണമെനിക്കുമെൻ

മനസ്സിൽ താലോലിക്കുമോരോരോ സഹജർക്കും...

നിൻ പാദ സേവ ചെയ്യവർക്കുമരുളേണം ജ്ഞാനം 

നീതി നടപ്പാക്കും നീതി പാലകർക്കും ലോഭമെന്യേ. 

 

രാജ്യം ഭരിക്കുമോരോ ഭരണാധികാരികൾക്കും 

രാജസുഖത്തോടൊപ്പമരുളേണം സർവ ജ്ഞാനവും...

മാറ്റങ്ങളുൾക്കൊള്ളും മനസ്സും സേവ ചെയ്യാൻ തക്ക 

മിടുക്കും, മാൻപേടപോലോടുവാൻ കാലമേകുക.

 

നിയമം  പാലിക്കുവാനരുളേണം കൃപ ജനത്തിനും

നിസ്തുല്യമാം നിൻ നാമത്തിനു കളങ്കമേശാതെ...

നടക്കുവാൻ പഠിപ്പിക്കേണം ദിനവുമെൻ നാട്ടിൽ 

നന്മ മാത്രമാശിക്കുമോരോരോ പൗരനും ദയയാൽ.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com