മരിച്ചവന്റെ പ്രൊഫൈൽ

ഇനിയൊരുെ പ്രൊഫൈൽ

ചിത്രം പ്രതീക്ഷിക്കരുത്

ഇനിയുള്ള നിങ്ങളുടെ

ലൈക്കുകളെല്ലാം

മരിച്ചവന് റീത്ത് 

വെക്കുന്നതിന് സമമാണ്,

ഇനി റീപ്ലേ കാത്തിരിക്കരുത്

ചലിപ്പിക്കുന്നവൻ

ചലനമറ്റ് കിടക്കുകയാണ്.

ഇനിയൊരാളും എന്നെ ടാഗ് ചെയ്യരുത് തൂത്തുവാരാനിനി-

യാരുമില്ലാത്തതാണ്,

ഇനിയാരും ജന്മദിനാശംസ

നേരരുത് ജീവിതയാത്ര 

അവസാനിച്ചിരിക്കയാണ്,

ഇനി മുതൽ ഞാനൊറ്റയ്ക്കാണ്

പ്രാർഥന ഇനിയെന്നെ 

തിരികെ കൊണ്ടുവരാനാ-

വുമെന്ന വിശ്വാസത്തിലാണ് '

ഇനിയെന്റെ ഐഡി 

മീസാൻ കല്ലും,

പാസ് വേർഡ് അതിൽ കൊത്തിവെച്ച പേരുമായിരിക്കും

ഇതൊര് അറിയിപ്പുമാണ്..!