സ്വിറ്റ്സർലൻഡിലെ കുർ നിന്നു സ്വിറ്റ്സർലൻഡിലെ പോഷിയാവോ, ഇറ്റലിയിലെ ടിറാനോ എന്നിവിടങ്ങളിലേക്ക് സ്വിസ് എൻഗാഡിൻ ആൽപ്സ് കടന്ന് ബന്ധിപ്പിക്കുന്ന ട്രെയിനാണ് ബെർണിന എക്സ്പ്രസ്. യാത്രയുടെ ഭൂരിഭാഗവും അൽബുല / ബെർനിന ലാൻഡ്‌സ്‌കേപ്പുകളിലെ റേഷ്യൻ റെയിൽവേ എന്നറിയപ്പെടുന്ന ലോക പൈതൃക സൈറ്റിലൂടെയാണ് ട്രെയിൻ ഓടുന്നത്.
സ്വിറ്റ്സർലൻഡിലെ ഏറ്റവും മനോഹരമായ പ്രകൃതി ദൃശ്യങ്ങളിലൂടെ കടന്നുപോകുന്ന ഇത് ശൈത്യകാലത്തും വേനൽക്കാലത്തും യാത്രയ്ക്ക് ലഭ്യമാണ്. സ്വിസ് ആൽപ്സ് പർവതനിരകളിലൂടെയുള്ള ട്രെയിൻ യാത്ര വർഷത്തിൽ ഏതു സമയത്തും മനോഹരമാണ്. സാവധാനത്തിൽ കയറുന്ന എന്ന അർഥത്തിൽ ആണ് ബെർണിന ട്രെയിനിന് ഈ പേര് ലഭിച്ചത്. കാഴ്ചകൾ കാണുന്നതിനായി റേഷ്യൻ റെയിൽവേ കമ്പനിയാണ് ട്രെയിൻ പ്രവർത്തിപ്പിക്കുന്നത്. ഇത് ടിറാനോയ്ക്കും കുറിനും ഇടയിലുള്ള ഒരു ലോക്കൽ സർവീസാണ്.
വിശാലമായ വിൻഡോകളുള്ള പനോരമിക് കോച്ചുകളും ബോർഡിൽ ബഹുഭാഷാ (ഇംഗ്ലീഷ്, ഇറ്റാലിയൻ, ജർമ്മൻ) ഓഡിയോ ഗൈഡും ഉണ്ട്. അതിവേഗ തീവണ്ടി എന്ന അർഥത്തിൽ ഇതൊരു ‘എക്സ്പ്രസ്’ അല്ല; യാത്രക്കാർ ബെർണിന എക്സ്പ്രസ് ടിക്കറ്റുകൾ വാങ്ങുമ്പോൾ നേരിട്ട് സീറ്റ് റിസർവേഷൻ നടത്തണം, അല്ലെങ്കിൽ അവരുടെ റീജിയണൽ ട്രെയിൻ ടിക്കറ്റുകൾക്ക് മുകളിൽ ഒരു ചെറിയ സപ്ലിമെന്റ് നൽകണം. ബെർണിന എക്സ്പ്രസ് വിനോദ സഞ്ചാരികൾക്കിടയിൽ ജനപ്രിയമാണ്. ഈ സർവീസ് ഇറ്റലിയിലെ കോമോ തടാകം വഴി സ്വിറ്റ്സർലൻഡിലെ ലുഗാനോയിലേക്കുള്ള പോസ്റ്റ് ബസ് സർവീസുമായി ഇറ്റലിയിലെ ടിറാനോയിൽ ബന്ധിപ്പിക്കുന്നു.
2008-ൽ ബെർണിന എക്‌സ്‌പ്രസിന്റെ റൂട്ടിലെ ആൽബുല ലൈനും ബെർണിന ലൈനും സംയുക്തമായി യുനസ്കോ വേൾഡ് ഹെറിറ്റേജ് സൈറ്റായി പ്രഖ്യാപിക്കപ്പെട്ടു. ഈ വേൾഡ് ഹെറിറ്റേജ് സൈറ്റിലൂടെയുള്ള ബെർണിന എക്‌സ്‌പ്രസിലെ യാത്ര 196 പാലങ്ങളിലൂടെയും 55 തുരങ്കങ്ങളിലൂടെയും കുറുകെയും നാല് മണിക്കൂർ റെയിൽവേ യാത്രയാണ്. കടലിൽ നിന്ന് 2,253 മീറ്റർ ഉയരത്തിലാണ് ബെർണിന ചുരം. മുഴുവൻ ലൈനും 1,000 mm (3 അടി 3+3⁄8 ഇഞ്ച്) (മീറ്റർ ഗേജ്) വൈദ്യുതീകരിച്ചതാണ്. സ്വിറ്റ്സർലൻഡിൽ താമസിക്കുന്ന ഞങ്ങൾ ബെർനിന എക്സ്പ്രസിൽ നടത്തിയ ഒരു യാത്രയുടെ വിഡിയോ ചുവടെ.
