നിലാവ് പെയ്തൊരു നേരമത്രയും
കടലിനോട് കഥപറയാൻ മാറ്റിവച്ചോ?
നീ തന്ന ചുംബനമെല്ലാം ആ കടൽ കാറ്റ് കൊണ്ട് പോയി....
ഞാനായ് കവർന്നെടുത്തതൊക്കെ
തേൻ തുള്ളികളായ് ഹൃദയത്തിൽ സൂക്ഷിച്ചു വെച്ചു
കൈത്തണുപ്പിലെ സ്നേഹമെല്ലാം നീ
എന്നിൽ നിന്നും അപഹരിച്ചു
പിരിയാൻ നേരത്ത് നീ എന്റെ മാറിലെ
ചൂട് കവർന്നെടുത്തു
എങ്കിലും, എന്റെ സ്വപ്നമെല്ലാം നിലാവെനിക്കു തന്നു. നീ കണ്ണിലൊളിപ്പിച്ച കുസൃതി ഞാനറിഞ്ഞു
മതിയെനിക്കതെന്നുമോർക്കാൻ
നിന്റെ ഹൃദയമിടിപ്പും ചുടുചുംബനവും.....
