വേഴാമ്പലായ് – കവിത

ഒരു നോക്കു കാണാൻ കൊതിച്ചനാളിൽ
ഒരു മാത്രമിണ്ടാൻ നിനച്ചു ഞാനും
കാലങ്ങളെത്രയോ കടന്നുപോയ്
കാതങ്ങളെത്രയോ സഞ്ചരിച്ചു ഞാനും.
ഇന്നുമെൻ ഓർമ്മയിൽ കുളിരുന്നൊരനുഭൂതിയായ് നിൻ മുഖം കാത്തു വച്ചു ഞാൻ ....

അനന്തമാം ജീവിത സാഗരത്തിൽ
നീന്തിത്തിരയുന്നുമിന്നുമെന്നും
അകലെയെങ്ങോ ഒരു പച്ചപ്പിനായ്.
മാമരനിരകളെ തഴുകിയെത്തും

ഇളം കാറ്റിലും കാതോർത്തു ഞാൻ
നിൻ ശ്വാസത്തിൻ താളത്തിനായ്‌‌
ഇന്നുമീ വഴിയോരത്ത്
ഏകാന്ത പഥികയായ് കാത്തിരിപ്പൂ..
നിൻ പദനിസ്വനം കേൾക്കുവാനായ്...