കപ്പലിൽ നിന്നും വീണുമരിച്ച മലയാളിയുടെ മൃതദേഹം ഉടൻ നാട്ടിലെത്തിക്കും

ക്വാലാലംപൂർ ∙ മലേഷ്യയിൽ കപ്പലിൽ നിന്നു വീണ് മരിച്ച ഇന്ദ്രജിത്ത് (26) എന്ന യുവാവിന്റെ മൃതശരീരം ശനിയാഴ്ച ഉച്ചയ്ക്ക് മൂന്നു മണിയുടെ ശ്രീലങ്ക വഴിയുള്ള വിമാനത്തിൽ തിരുവനന്തപുരത്തെത്തിക്കുമെന്ന് വിവരം ലഭിച്ചതായി പ്രവാസി മലയാളി അസോസിയേഷൻ ജനറൽ സെക്രട്ടറി ബാദുഷ അറിയിച്ചു. പഠനശേഷം മലേഷ്യയിലെ ഒരു ഷിപ്പിങ് കമ്പനിയിൽ പരിശീലനത്തിനായി എത്തിയതായിരുന്നു ഇന്ദ്രജിത്ത്. മരണപ്പെട്ട് ഇത്രയും നാളുകളായിട്ടും ബന്ധപ്പെട്ട ഷിപ്പിങ് കമ്പനി അധികൃതരിൽ നിന്നു ഔദ്യോഗികമായി യാതൊരു വിവരവും കൈമാറിയിട്ടില്ലെന്ന് വീട്ടുകാർ ആരോപിക്കുന്നു. ഈ മാസം 15ന് മലേഷ്യയുടെ കിഴക്കൻ പ്രവിശ്യയായ സറാവാക്കിനടുത്താ ഇന്ദ്രജിത് കപ്പലിൽ നിന്നു വീണത്.