‘‘എന്റെ കേരളം, എന്റെ മലയാളം” എന്ന വിഷയത്തിൽ ചോദ്യോത്തര മത്സരം
Mail This Article
ബല്ലാരറ്റ് ∙ ബല്ലാരറ്റ് മലയാളി അസോസിയേഷന്റെ യുവജന സംഘടനയായ ബിഎംഎ യൂത്തിന്റെ നേതൃത്വത്തിൽ ” എന്റെ കേരളം, എന്റെ മലയാളം” എന്ന വിഷയത്തിൽ ചോദ്യോത്തര മത്സരം സംഘടിപ്പിക്കുന്നു. ജൂലൈ 20 ശനിയാഴ്ച വൈകിട്ട് 3.30ന് ബല്ലാരറ്റ് സെയിന്റ് പാട്രിക് കത്തീഡ്രൽ ഹാളിൽ ആണ് മത്സരം.
മത്സരത്തിനായി മൂന്നു അംഗങ്ങൾ വീതമുള്ള ടീമുകളുടെ അപേക്ഷകൾ ക്ഷണിക്കുന്നു. മൂന്നംഗങ്ങളിൽ ഒരാൾ 18 വയസ്സിനു താഴെയുള്ളയാൾ ആയിരിക്കണം എന്ന നിബന്ധന മത്സരത്തിനുണ്ട്. ജൂലൈ 18 നു മുൻപ് അപേക്ഷിക്കുന്നവർക്ക് 10 ഡോളറും അതിനു ശേഷമുള്ള അപേക്ഷകൾക്ക് 15 ഡോളറും ആണ് പ്രവേശന ഫീസ്.
അപേക്ഷകൾ tinyurl.com/bmaquiz2019 എന്ന ഓൺലൈൻ ലിങ്കിലൂടെ നടത്തേണ്ടതാണ്. ഫോണിലൂടെയുള്ള അന്വേഷണങ്ങൾക്ക് ഐറിൻ സാജു, അഷ്വിൻ ജോർജ് ,അലൻ മാർട്ടിൻ ( 0434 570 380 ,0469 126 571 ) എന്നിവരെ സമീപിക്കാവുന്നതാണ്.