മലയാളി യുവാവ് ഓസ്ട്രേലിയയിൽ മരിച്ച നിലയിൽ
Mail This Article
×
മെൽബൺ∙ എറണാകുളം ഇന്ദിരാഗാന്ധി കോ ഓപ്പറേറ്റീവ് ആശുപത്രിയിലെ യൂറോളജിസ്റ്റ് ആലുവ ചെളിക്കുഴിയിൽ ഡോ.ഐ.സി. ബഞ്ചമിന്റെ മകൻ അമിത് ബഞ്ചമിൻ (അപ്പു 27) മെൽബണിലെ വസതിയിൽ മരിച്ച നിലയിൽ കാണപ്പെട്ടു.തിങ്കളാഴ്ച രാവിലെ പിതാവുമായി സംസാരിച്ചിരുന്നു.
എല്ലാ ദിവസവും മുടങ്ങാതെ വിളിച്ചിരുന്ന മകൻ ചൊവ്വയും ബുധനും വിളിക്കാതിരിക്കുകയും അങ്ങോട്ട് വിളിച്ചപ്പോൾ ഫോൺ എടുക്കാതിരിക്കുകയും ചെയ്തതിനെ തുടർന്ന് ഡോ.ബഞ്ചമിൻ മെൽബണിലുള്ള ബന്ധു മുഖേന പൊലീസിൽ അറിയിക്കുകയായിരുന്നു.
പൊലീസ് എത്തി വീട് തുറന്ന് പരിശോധിച്ചപ്പോൾ കിടക്കയിൽ മരിച്ചു കിടക്കുന്ന നിലയിലാണ് കാണപ്പെട്ടത്.മൃതദേഹം പൊലീസ് നടപടികൾക്ക് ശേഷം മെൽബണിൽ സംസ്കരിക്കാനാണ് തീരുമാനം.മാതാവ് ഡോ.അനില ഏതാനും വർഷം മുമ്പാണ് മരിച്ചത്. ഏക മകനാണ് അമിത്. അവിവാഹിതനാണ് .
മൾട്ടി മീഡിയ കോഴ്സ് പൂർത്തിയാക്കിയ അമിത് മെൽബണിൽ ജോലി ചെയ്യുകയായിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
