ഡാർവിൻ ഈസ്റ്റർ–വിഷു ആഘോഷം ശനിയാഴ്ച

മെൽബൺ ∙ ഡാർവിൻ മലയാളി അസോസിയേഷന്റെ നേതൃത്വത്തിൽ ഏപ്രിൽ 24ന് ഇസ്റ്റർ–വിഷു ആഘോഷം സംഘടിപ്പിക്കുന്നു. ശനിയാഴ്ച വൈകിട്ട് 5.30ന് മരാരാ ഫിലിപ്പിനോ ഹാളിലാണ് പരിപാടി. വിദ്യഭ്യാസ മന്ത്രി ലോറൻ മോസ് ഉദ്ഘാടനം ചെയ്യും. അസോസിയേഷൻ പ്രസിഡന്റ് പോൾ പറോക്കാരൻ അധ്യക്ഷനായിരിക്കും. 

മുൻ ഡെപ്യൂട്ടി മുഖ്യമന്ത്രി പീറ്റർ സ്റ്റൈയിൽ, വൈസ് പ്രസിഡന്റ് മഞ്ജു തളിയത്ത് എന്നിവർ പ്രസംഗിക്കും. അസോസിയേഷൻ സെക്രട്ടറി ഡോ. ഉണ്ണികൃഷ്ണൻ സ്വാഗതവും പിആർഒ ഷിനു ജോൺ നന്ദിയും പറയും.

കൾച്ചറൽ കോ ഓഡിനേറ്റർ ജോർജ് കുര്യന്റെ നേതൃത്വത്തിൽ വിവിധ കലാപരിപാടികൾ അരങ്ങേറും. കലാപരിപാടികൾക്ക് ശേഷം കലാവിരുന്ന് ഉണ്ടായിരിക്കുമെന്ന് ഭാരവാഹികൾ അറിയിച്ചു.