മെൽബൺ ∙ മെൽബൺ സെൻറ്  മേരിസ് ക്നാനായ കത്തോലിക്കാ ഇടവകയുടെ പത്താം വാർഷികത്തിനോടനുബന്ധിച്ച്, ഓസ്ട്രേലിയയിലെ ഏക വിശുദ്ധയായ സെൻറ് മേരി മക്കിലപ്പിന്റെ കബറിടത്തിലേക്ക് ഏപ്രിൽ 18,19,20 തീയതികളിൽ തീർഥാടനം സംഘടിപ്പിക്കുന്നു. 

18-ാം തീയതി രാവിലെ മെൽബണിൽ നിന്നാണ് യാത്ര ആരംഭിന്നുന്നത്. 19-ാം തീയതി രാവിലെ വിശുദ്ധ മേരി മക്കിലപ്പിന്റെ  കബറിടം സന്ദർശിച്ച് വിശുദ്ധ കുർബാനയർപ്പിക്കും. തുടർന്ന്, സിഡ്നിയുടെ വശ്യതയാർന്ന നഗരക്കാഴ്ചകൾ ആസ്വദിക്കുവാനും, രാത്രിയാമങ്ങൾ ചെലവിടുന്നതിനുമായി സിഡ്നി സിറ്റി ടൂർ ഉണ്ടായിരിക്കും. 

 ഫിലിപ്സ് കുരിക്കോട്ടിൽ, ലാൻസ്മോൻ വരിക്കശ്ശേരിൽ എന്നിവർ കോഓർഡിനേറ്റർമാരായ കമ്മിറ്റിയുടെ നേതൃത്വത്തിൽ, യാത്രയ്ക്കാവശ്യമായ ഒരുക്കങ്ങൾ നടത്തി വരുന്നു. എല്ലാ ഇടവകാംഗങ്ങളെയും സ്വാഗതം ചെയ്യുന്നുവെന്ന് ഇടവക വികാരി ഫാ. പ്രിൻസ് തൈപ്പുരയിടത്തിൽ, കൺവീനർ  ഷിനോയ് മഞ്ഞാങ്കൽ എന്നിവർ അറിയിച്ചു.