ADVERTISEMENT

 മെൽബൺ ∙ മലയാളത്തിലെ ഏറ്റവും പുതിയ ഹിറ്റ് ആയി വിലയിരുത്തപ്പെടുന്ന കാതൽ ദ കോർ ഡിസംബർ ഏഴിന് ഓസ്‌ട്രേലിയയിൽ റിലീസ് ചെയ്യും. മമ്മൂട്ടിയുടെ സമീപകാല സിനിമകൾ കൈവരിച്ച വമ്പൻ വിജയങ്ങൾ കാതലിന് വിദേശ രാജ്യങ്ങളിൽ പ്രിയം വർധിക്കാൻ കാരണമായിട്ടുണ്ട്. മമ്മൂട്ടിയും ജ്യോതികയും പ്രധാന കഥാപത്രങ്ങളിൽ എത്തുന്ന ജിയോ ബേബി ചിത്രത്തിന് ഗൾഫ് രാജ്യങ്ങളിൽ പ്രദർശന അനുമതി നിഷേധിക്കപ്പെട്ടെങ്കിലും യൂറോപ്യൻ രാജ്യങ്ങളിൽ വ്യാപകമായി റിലീസ് ചെയ്യുന്നുണ്ട്. കുടുംബപ്രേക്ഷകർ ഇതിനോടകം ഏറ്റെടുത്ത  കാതലിന്റെ ഓസ്‌ട്രേലിയൻ വിതരണ അവകാശം വൻ തുകയ്ക്കാണ് ബിഗ് ബജ്റ്റ് ഹിന്ദി തെലുങ്ക് സിനിമകളുടെ വിതരണക്കാരായ സതേൺ സ്റ്റാർ സ്വന്തമാക്കിയത്.

സമീപകാല മമ്മൂട്ടി ചിത്രങ്ങൾ ഓസ്‌ട്രേലിയൻ ബോക്സ് ഓഫിസിൽ കൈവരിച്ച സാമ്പത്തിക വിജയം തന്നെയാണ് മലയാളസിനിമ വിതരണം ചെയ്യാൻ തങ്ങളെ പ്രേരിപ്പിച്ചത് എന്ന് സതേൺ സ്റ്റാർ ഡയറക്ടർ അശ്വിൻ പറഞ്ഞു.

kaathal-australia

അതേസമയം ഡിസംബർ ഏഴാം തീയതി ഓസ്‌ട്രേലിയയിലെ അങ്ങോളമിങ്ങോളമുള്ള ഇരുപത്തിയഞ്ച് തിയേറ്ററുകളിൽ പ്രദർശനം ആരംഭിക്കുന്ന ചിത്രം തൊട്ടടുത്ത ആഴ്ച കൂടുതൽ തിയേറ്ററുകളിൽകൂടി പ്രദർശനത്തിനു എത്തും. ന്യൂസിലാൻഡിലും ഡിസംബർ 14 ന് ചിത്രം വ്യാപകമായി റിലീസ് ചെയ്യും.

ഫാൻസ്‌ ഷോ ഉൾപ്പെടെയുള്ള വമ്പൻ സ്വീകരണത്തോടെയാണ് ഓസ്‌ട്രേലിയയിലെ മമ്മൂട്ടി ആരാധകർ കാതലിനെ സ്വീകരിക്കാനായി ഒരുക്കുന്നത്. മെൽബണും ഗോൾഡ് കോസ്റ്റും സിഡ്നിയും ഉൾപ്പെടെ അഞ്ചു സെന്ററുകളിൽ ഫാൻസ്‌ ഷോകൾ നടത്തുമെന്നു മമ്മൂട്ടി ഫാൻസ്‌ ആൻഡ് വെൽഫെയർ അസോസിയേഷൻ ഇന്റർനാഷനൽ ഓസ്‌ട്രേലിയ പ്രസിഡന്റ് മദനൻ ചെല്ലപ്പൻ പറഞ്ഞു.

English Summary:

Australia to welcome kaathal movie

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com