അഞ്ചാം ദിവസവും വിജയലക്ഷ്മി കാണാമറയത്ത്; മലേഷ്യയിൽ ഓടയിൽ വീണ ഇന്ത്യക്കാരിയെ തേടി ദൗത്യസംഘം

ക്വാലലംപുർ ∙ മലേഷ്യയിൽ ഓടയിൽ വീണു കാണാതായ ഇന്ത്യക്കാരിക്കായുള്ള തിരച്ചിൽ 5 ദിവസം പിന്നിട്ടു. ഓടയിലെ തടസ്സങ്ങൾ നീക്കിയും റ‍ഡാർ ഉൾപ്പെടെ ഉപകരണങ്ങളുപയോഗിച്ചും തിരച്ചിൽ പുരോഗമിക്കുകയാണെന്ന് ഇന്ത്യൻ ഹൈക്കമ്മിഷൻ അധികൃതർ അറിയിച്ചു.

കുടുംബവുമൊത്ത് 2 മാസത്തെ മലേഷ്യൻ സന്ദർശനത്തിനെത്തിയ വിജയലക്ഷ്മി ഗാലി (48) കഴിഞ്ഞ വെള്ളിയാഴ്ച രാവിലെയാണു ദുരന്തത്തിൽപെട്ടത്. നടപ്പാതയിലൂടെ നീങ്ങുമ്പോൾ ഓടയുടെ സ്ലാബ് തകരുകയായിരുന്നു.