വീസ കാലാവധി കഴിഞ്ഞു, പാസ്പോർട്ട് കൈവശമില്ല; കോഴിക്കോട് വിദേശ യുവതിയെ ഷോർട്ട് സ്റ്റേഹോമിലാക്കി പൊലീസ്

കോഴിക്കോട് ∙ വീസ കാലാവധി കഴിഞ്ഞു നഗരത്തിൽ തങ്ങിയ കെനിയൻ യുവതിക്കെതിരെ കസബ പൊലീസ് കേസെടുത്തു. സ്വകാര്യ ആശുപത്രിയിൽ ബന്ധുവിന്റെ ചികിത്സയുമായി ബന്ധപ്പെട്ടു എത്തിയതായിരുന്നു. കല്ലായി റോഡിലെ സ്വകാര്യ ടൂറിസ്റ്റ് ഹോമിൽ താമസിക്കുകയായിരുന്നു.

എമിഗ്രേഷൻ റിപ്പോർട്ടിന്റെ അടിസ്ഥാനത്തിൽ പൊലീസ് അന്വേഷിച്ചതിൽ വീസ കാലാവധി കഴിഞ്ഞതാണെന്നും പാസ്പോർട്ട് കൈവശമില്ലാതെ പൊലീസ് നടപടിയെടുക്കുകയായിരുന്നു. തുടർന്നു ഇവരെ കസ്റ്റഡിയിലെടുത്തു ചോദ്യം ചെയ്തു. ഷോർട്ട് സ്റ്റേഹോമിൽ താമസിപ്പിച്ചു. കൂടുതൽ അന്വേഷണത്തിനു ശേഷം തുടർ നടപടിയെടുക്കുമെന്നു ഉന്നത പൊലീസ് ഉദ്യോഗസ്ഥൻ പറഞ്ഞു.