ന്യൂസീലൻഡിൽ ജോലി വാഗ്ദാനം ചെയ്ത് കട്ടപ്പന സ്വദേശികളിൽ നിന്ന് തട്ടിയത് രണ്ടര കോടി; ഒടുവിൽ പിടിവീണു

കട്ടപ്പന ∙ ന്യൂസീലൻഡിൽ ജോലി വാഗ്ദാനം ചെയ്ത് പലരിൽ നിന്നായി 2.60 കോടി രൂപ തട്ടിയെടുത്ത കേസിൽ രണ്ടുപേർ അറസ്റ്റിൽ. പത്തനംതിട്ട മല്ലപ്പള്ളി തെക്കേമുറിയിൽ പ്രമോദ് വർഗീസ്(42), കൊല്ലം കരുനാഗപ്പള്ളി കല്ലേലി കണ്ണാടിയിൽ ഉമ്മൻ തോമസ്(67) എന്നിവരാണ് അറസ്റ്റിലായത്. കട്ടപ്പന സ്വദേശികളുടെ പരാതിയിലാണ് അറസ്റ്റ്.

കട്ടപ്പന മേഖലയിൽ നിന്നു മാത്രം 2.60 കോടി രൂപയുടെ തട്ടിപ്പ് നടത്തിയിട്ടുണ്ടെന്ന് പൊലീസ് അറിയിച്ചു. സമാനമായ രീതിയിൽ കൊല്ലം അടക്കമുള്ള സ്ഥലങ്ങളിലും തട്ടിപ്പ് നടത്തിയതായി സൂചനയുണ്ട്. ഓരോരുത്തരിൽ നിന്നും 10 ലക്ഷത്തോളം രൂപയാണ് ഇവർ തട്ടിയെടുത്തത്. പ്രതികളെ കോടതിയിൽ ഹാജരാക്കി.