പ്രത്യാശയുടെ സന്ദേശമായി ഈസ്റ്റർ: വർണ്ണ മുട്ടകൾ, ഈസ്റ്റർ ബണ്ണിയിലും 'വെറൈറ്റി' ; ബ്രിസ് ബെനിലെ ബേക്കറികളിൽ വൻ തിരക്ക്

ബ്രിസ്‌ബെൻ ∙ ലോകമെമ്പാടുമുള്ള ക്രൈസ്തവർ ആഘോഷിക്കുന്ന തിരുനാളാണ് ഈസ്റ്റർ. നീണ്ട 50 ദിവസത്തെ നോമ്പും പ്രാര്‍ഥനക്കും ശേഷം, നോമ്പുകാലത്ത് പെസഹാ വ്യാഴവും ദുഃഖവെള്ളിയും ദുഃഖശനിയും കഴിഞ്ഞ് ഈസ്റ്റർ ആഘോഷം.

ലോകമെമ്പാടുള്ള മാർക്കറ്റുകളിലെ വ്യവസായ സ്ഥാപനങ്ങളിൽ പലതരത്തിലുള്ള മിഠായികൾ എത്താറുണ്ട്. ഈ പ്രാവശ്യം ഓസ്ട്രേലിയയിലെ കച്ചവട സ്ഥാപനങ്ങളിൽ പ്രത്യേകതരം മിട്ടായികളാണ് എത്തിയിരിക്കുന്നത്. ഇതു കൂടാതെ പെസഹാ സന്ധ്യയ്ക്ക് മുറിക്കുന്നതിനുവേണ്ടി, ബ്രഡും അപ്പവും വരെ റെ‍ഡി.  ബ്രിസ് ബെനിൽ ബേക്കറികളിലും കച്ചവട സ്ഥാപനങ്ങളിലും തിരക്ക് ഏറിത്തുടങ്ങി. പല വർണ്ണത്തിലുള്ള മുട്ടകളും പലഹാരങ്ങളും മാർക്കറ്റിൽ എത്തിക്കഴിഞ്ഞു.

യേശു ക്രിസ്തുവിന്റെ പുനരുത്ഥാനത്തിന്റെ ഓർമക്കാണ് ഈ ആഘോഷം. എന്നാൽ, ഇതുമായി ബന്ധപ്പെട്ട് ഇന്ന് ലോകം മുഴുവൻ ആഹ്ലാദപൂർവം ഏറ്റെടുക്കുന്ന രണ്ട് സാങ്കേതിക പ്രതീകങ്ങൾ ഉണ്ട്– ഇസ്റ്റർ എഗ്ഗും ഈസ്റ്റർ ബണ്ണിയും. ഇവക്ക് പിന്നിലെ കഥകളും ചരിത്രപരമായ വികസനങ്ങളും വളരെ താല്പര്യജനകമാണ്.

 ∙ ഇസ്റ്റർ എഗ്ഗിന്റെ കഥ
മുട്ടയെ ജീവന്റെ പ്രതീകമായി കണക്കാക്കിയിരുന്നു. വിശേഷിച്ച് ശീതകാലം കഴിഞ്ഞ് വസന്തകാലം വരുമ്പോൾ, പ്രകൃതിയുടെ പുനർജന്മം ആഘോഷിക്കുന്നതിന്റെ ഭാഗമായാണ് മുട്ട ഉൾപ്പെടുന്നുണ്ട്..

ഇസ്റ്റർ മുട്ട കളർ ചെയ്യുകയും പെയിന്റ് ചെയ്ത് അലങ്കരിക്കുകയും ചെയ്യുന്നത് ആദ്യമായി ആരംഭിച്ചത് യൂറോപ്പിലാണ്. 13-ാം നൂറ്റാണ്ടിൽ പാശ്ചാത്യ യൂറോപ്പിൽ വിശ്വാസികൾ ഉപവാസകാലത്ത് മുട്ട കഴിക്കാതെ വെച്ചിരുന്നത് പുനരുത്ഥാന ദിനത്തിൽ അവ ആഘോഷപരമായി വിഭവങ്ങളായി ഉപയോഗിക്കുന്നതിനും പിന്നീട് കളർ ചെയ്ത് കുട്ടികൾക്ക് നൽകുന്നതിനും ആണ്.

∙ ഈസ്റ്റർ ബണ്ണിയുടെ ഉറവിടം
ഈസ്റ്റർ ബണ്ണിയുടെ കഥ ജർമൻ നാടോടിക്കഥകളിൽ നിന്ന് ആരംഭിക്കുന്നു. ബണ്ണി അവന്റെ പ്രജനനശക്തി കൊണ്ട് പുതിയ ജീവിതം, പുതുവത്സരത്തിന്റെ ഉദയം, പ്രജനനം എന്നിവയെ പ്രതിനിധാനം ചെയ്യുന്നു. ജർമ്മൻ കുടിയേറ്റക്കാർ 1700-കളിൽ അമേരിക്കയിലെ സിൽവാനിയയിലേക്ക് എത്തിയപ്പോൾ അവരൊപ്പം ഈസ്റ്റർ ബണ്ണിയുടെ ആശയവും എത്തിയിരുന്നു. ഈ ബണ്ണി മുട്ടകൾ ഉരുട്ടി കുട്ടികൾക്ക് സമ്മാനമൊരുക്കുന്നതായിട്ടുള്ള കഥകൾ പിന്നീട് കഥകളിലും കാർട്ടൂണുകളിലൂടെയും വ്യാപിച്ചു.

∙ ആധുനിക ആഘോഷങ്ങൾ
ഇന്നത്തെ കാലഘട്ടത്തിൽ ഈസ്റ്റർ എഗ്ഗും ബണ്ണിയും വാണിജ്യപരമായി വലിയ പങ്ക് വഹിക്കുന്നു. ചോക്ലേറ്റ് മുട്ടകളും പ്ലാസ്റ്റിക് ബോക്‌സുകൾക്കുള്ളിൽ സമ്മാനങ്ങൾ നിറച്ച എഗ്ഗുകളും പലയിടങ്ങളിലും നൽകാറുണ്ട്. കുട്ടികൾക്കായി 'ഇസ്റ്റർ എഗ്ഗ് ഹണ്ട്' എന്ന പരിപാടിയും വലിയ ആഘോഷവുമാണ്.

ഇസ്റ്റർ എഗ്ഗും ബണ്ണിയും ക്രൈസ്തവ വിശ്വാസത്തിന്റെയും പൗരാണിക ആശയങ്ങളുടെയും സംയോജനമാണ്. ചരിത്രവും സംസ്‌കാരവുമായ ഈ കലാപ്രതീകങ്ങൾ, ഇത്തരമൊരു ആഘോഷത്തെയും അതിന്റെ ആന്തരിക അർഥത്തെയും കൂടുതൽ ജനകീയമായി ഉൾക്കൊള്ളാൻ സഹായിക്കുന്നു.