വിദേശജോലി സ്വപ്നം കണ്ടവരെ വലയിൽ വീഴ്ത്തി; ഒടുവിൽ പിടിവീണു

ഇരിങ്ങാലക്കുട ∙ വിദേശത്തേക്കു തൊഴിൽ വീസ വാഗ്ദാനം ചെയ്ത് ‘അഗ്‌നീറ എബ്രോഡ് എജ്യുക്കേഷനൽ ആൻഡ് ജോബ് കൺസൽറ്റൻസി’ എന്ന സ്ഥാപനത്തിന്റെ മറവിൽ പണം തട്ടിയ കേസിലെ പ്രതിയായ കാറളം ചെമ്മണ്ട സ്വദേശി തെക്കേക്കര വീട്ടിൽ ആൽവിനെ (28) പൊലീസ് അറസ്റ്റ് ചെയ്തു.

ആൽവിനും കിഴുത്താണി സ്വദേശി ചെമ്പിപറമ്പിൽ സുനിൽകുമാറും (53) ഇയാളുടെ ഭാര്യ നിഷ സുനിൽകുമാറും ചേർന്നാണു തട്ടിപ്പ് നടത്തിയത്. ഏഴ് പേരിൽ നിന്നായി 29,80,000 രൂപയാണ് ഇവർ തട്ടിയെടുത്തതെന്നു പൊലീസ് പറഞ്ഞു.