sections
MORE

പച്ച കുത്താൻ ഉപയോഗിക്കുന്ന മഷിക്കെതിരെ അധികൃതരുടെ മുന്നറിയിപ്പ്

black-colour-tatoo-ink
SHARE

വാഷിങ്ടൻ ഡിസി ∙ ശരീരത്തിൽ പച്ച കുത്താൻ ഉപയോഗിക്കുന്ന മഷിയിലുള്ള മൈക്രോ ഓർഗാനിസം ഇൻഫെക്‌ഷനും ആഴത്തിലുള്ള മുറിവിനും ഇടയാക്കുമെന്ന് യുഎസ് ഫുഡ് ആൻഡ് ഡ്രഗ് അഡ്മിനിസ്ട്രേഷൻ മുന്നറിയിപ്പ് നൽകി. മേയ് 1 ബുധനാഴ്ചയാണ് ഇത് സംബന്ധിച്ച മുന്നറിയിപ്പ് ഉപഭോക്താക്കൾക്ക് നൽകിയത്. ആറു തരം മഷിയിലാണ് ബാക്ടീരിയയെ കണ്ടെത്തിയിരിക്കുന്നത്.

ഈ മഷി ഉപയോഗിച്ചവരുടെ ശരീരത്തിൽ തടിപ്പും ചൊറിച്ചിലും അനുഭവപ്പെടുന്നതായി റിപ്പോർട്ടുകൾ ലഭിച്ചതിനെ തുടർന്നാണു മുന്നറിയിപ്പുമായി അധികൃതർ രംഗത്തെത്തിയത്. ഇത്തരം മഷിഉൽപാദക കമ്പനികളോടും ചില്ലറ വ്യാപാരികളോടും ഇവ പിൻവലിക്കുന്നതിന് അധികൃതർ നിർദേശം നൽകിയിട്ടുണ്ട്. റീ കോൾ ചെയ്ത മഷികളെ കുറിച്ചുള്ള വിശദവിവരങ്ങൾ എഫ്ഡിഎയുടെ വെബ്സൈറ്റിൽ ലഭ്യമാണ്.

tattoo-rash

ശരീരത്തിൽ പച്ച കുത്തുന്നത് തൊലിയുടെ സാധാരണ പ്രവർത്തനങ്ങളെ ഹാനികരമായി ബാധിക്കുമെന്ന് പഠനങ്ങൾ തെളിയിച്ചിട്ടുണ്ട്.  ത്വക്ക് കാൻസറിനുവരെ ഇതു കാരണമാകും.

സ്ക്കാൽഫ് എസ്തെറ്റിക്സ്, ഡൈനാമിക് കളർ തുടങ്ങിയ കമ്പനികളുടെ മഷിയും നിരോധിച്ചവയിൽ ഉൾപ്പെടും. പച്ച കുത്തൽ ഒരു ഫാഷനായി മാറിയിട്ടുള്ളതിനാൽ ഇതിന്റെ ദോഷ ഫലം അനുഭവിക്കുന്നവരുടെ എണ്ണത്തിലും വർധനവ് ഉണ്ടായിട്ടുണ്ട്.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
MORE IN US
SHOW MORE
FROM ONMANORAMA