sections
MORE

വാലി മലയാളി ആർട്സ്–സ്പോർട്സ് ക്ലബ്, ഫോമാ വില്ലേജിലേക്ക് ഒരു ഭവനം നൽകി മാതൃകയായി

vali-arts-sports-club
SHARE

ലൊസാഞ്ചൽസ്‌∙ അമേരിക്കൻ മലയാളികളുടെ യശ്ശസ്സ് വാനോളം ഉയർത്തിയ ഫോമാ വില്ലേജ് പദ്ധതിയിലേക്ക് വാലി മലയാളി ആർട്സ് & സ്പോർട്സ് ക്ലബ്  ഒരു ഭവനം നൽകി മാതൃകയായി. ക്ലബ്ബിന്റെ കഴിഞ്ഞ വർഷത്തെ ഓണം ആഘോഷിക്കാതെ, സ്വരുക്കൂട്ടിയ ഫണ്ടാണ് ഈ വില്ലേജ് പദ്ധതിയിലേക്ക് സംഭാവനയായി  നൽകിയത്. പ്രളയദുരിതക്കയത്തിൽ നിന്നും കരകയറുവാൻ, നമ്മുടെ നാടിന്റെ പുനഃനിർമ്മിതിക്കായി  ഞങ്ങളാലാവും വിധം ഒരു കൈ സഹായമായി ഇതിനെ കരുതിയാൽ മതിയെന്ന്  വാലി മലയാളി ആർട്സ് & സ്പോർട്സ് ക്ലബ് പ്രസിഡന്റ് മനു തുരുത്തിക്കാടൻ ചെക്ക് ഫോമായ്ക്  കൈമാറിക്കൊണ്ട്  അറിയിച്ചു.

ഫോമാ വില്ലേജ് പദ്ധതിയ്ക്ക് വേണ്ടി റീജിയണൽ വൈസ് പ്രസിഡന്റും ഈ പദ്ധതിയുടെ നാഷണൽ കോർഡിനേറ്ററും കൂടിയായ ജോസഫ് ഔസോയും, സാം ഉമ്മനും കൂടി ഒരുമിച്ചു കൈപ്പറ്റി.  വളരെ ലളിതമായി നടന്ന ചടങ്ങിൽ വാലി മലയാളി ആർട്സ് & സ്പോർട്സ് ക്ലബ്ബിന്റെ സെക്രട്ടറി ലോജോ ലോന,  ട്രെഷറർ സിന്ധു വർഗീസ്, ചാരിറ്റി കോ ഓർഡിനേറ്റർ മാത്യു വെട്ടുപുറത്ത്, എന്നിവരോടൊപ്പം മറ്റു എല്ലാ കമ്മിറ്റിയംഗങ്ങളും സന്നിഹിതരായിരുന്നു. വാലി  ക്ലബ് നല്കുന്ന രണ്ടാമത്തെ വീടാണ് ഇത്, ആദ്യത്തെ വീട് സർക്കാരിന്റെ പ്രളയ ദുരിതാശ്വാസനിധിയിലേക്കു നേരിട്ട് നൽകി.   

vmasc

ഇതോടു കൂടി മൊത്തം  13  വീടുകൾ ഈ പദ്ധതിയിലേക്കു നൽകി എന്ന റെക്കോർഡ് ഖ്യാതിയോടെ ഫോമാ വെസ്റ്റേൺ റീജിയന്   അഭിമാനിയ്ക്കാം. ഇത്രയും വീടുകൾ ഈ പദ്ധതിയിലേക്ക് എത്തിക്കുവാൻ കിണഞ്ഞു പരിശ്രമിച്ച ജോസഫ് ഔസോ പ്രത്യേകം അഭിനന്ദനം അർഹിക്കുന്നു. വാലി മലയാളി ആർട്സ് & സ്പോർട്സ് ക്ലബ് ഭാരവാഹികളോടുള്ള ഫോമായുടെ  പ്രത്യേകമായ നന്ദി പ്രസിഡന്റ് ഫിലിപ്പ് ചാമത്തിലിനോടൊപ്പം, സെക്രട്ടറി ജോസ് ഏബ്രഹാം, ട്രഷറര്‍ ഷിനു ജോസഫ്‌, വൈസ് പ്രസിഡന്റ് വിന്‍സന്റ് ബോസ് മാത്യു, ജോയിന്റ് സെക്രട്ടറി സാജു ജോസഫ്‌, ജോയിന്റ് ട്രഷറര്‍ ജയിന്‍ കണ്ണച്ചാന്‍പറമ്പില്‍, പദ്ധതി ടീമംഗങ്ങളായ അനിയന്‍ ജോര്‍ജ്, ജോണ്‍ ടൈറ്റസ്, നോയല്‍ മാത്യു, ഉണ്ണികൃഷ്ണന്‍, ബിജു തോണിക്കടവില്‍, അനില്‍ ഉഴുന്നാല്‍ എന്നിവരും അറിയിച്ചു.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
MORE IN US
SHOW MORE
FROM ONMANORAMA