sections
MORE

സ്റ്റാഫോർഡിൽ മലയാളം ക്ലാസ് ഗ്രാജ്വേഷൻ

malayalam-class-1
SHARE

ഹൂസ്റ്റൺ ∙ആറു  മുതൽ 16 വയസ്സ് വരെ പ്രായമുള്ള കുട്ടികൾക്കുവേണ്ടി ഹൂസ്റ്റണിലെ സ്റ്റാഫ്‌ഫോർഡിലുള്ള മീഡിയ ഹൗസിൽ ഇൻഡോ അമേരിക്കൻ ബിസിനസ് ഫോറത്തിൻറെ ആഭിമുഖ്യത്തിൽ ആറു മാസമായി നടന്നുവന്ന മലയാളം  ക്ലാസ്സിന്റെ ഗ്രാജ്വേഷൻ പ്രൗഢ ഗംഭീരമായി നടന്നു. ഫെബ്രുവരി 9 നു ഞായറാഴ്ച മീഡിയ ഹൗസിൽ നടന്ന ചടങ്ങിൽ ഇൻഡോ അമേരിക്കൻ ഫോറം വൈസ് ചെയർമാൻ ഈശോ ജേക്കബ് അദ്ധ്യക്ഷത വഹിച്ചു.  14   വിദ്യാർഥികൾ സർട്ടിഫിക്കറ്റുകൾ കരസ്ഥമാക്കി.

malayalam-class-2

അദ്ധ്യാപകരായ റവ. ഡോ. തോമസ് അമ്പലവേലിൽ, റവ. ഡോ. റോയ് വർഗ്ഗീസ് എന്നിവർ പ്രസംഗിച്ചു. നോവലിസ്റ്റ് മാത്യു നെല്ലിക്കുന്നേൽ, ബിസ്സിനസ് ഫോറം ചെയർമാൻ  തോമസ് വർക്കി, ട്രഷറർ ജോസഫ് കെന്നഡി എന്നിവർ ആശംസകൾ നേർന്നു. പ്രഫ. ജോയ് പല്ലാട്ടുമഠം (ഡാലസ്) പ്രഫ.ഡോ.സി. ദീപാ തൂമ്പിൽ എന്നിവർ തയ്യാറാക്കിയ ശ്രേഷ്ഠമലയാളം സമഗ്ര ഭാഷാപഠന സഹായി ഒന്നാം ഭാഗമായിരുന്നു പഠന ഭാഗം.

യൂണിവേഴ്സിറ്റി ഓഫ് ടെക്സാസ് ഓസ്റ്റിൻ മലയാളം ഡിപ്പാർട്ടമെന്റ് അദ്ധ്യാപിക ദർശന മനയത്താണ്  ക്ലാസ് കഴിഞ്ഞ വര്ഷം ഓഗസ്റ്റിൽ ഉദ്ഘാടനം ചെയ്തത്. ക്രിസ്റ്റഫർ മാത്യു, റോബർട്ട് മാത്യു, ക്രിസ്റ്റീൻ റെജി, ക്രിസ് റെജി , കരോൾ റെജി, ക്രിസ്ടി റെജി, തോമസ് ജോസഫ്, ഡാനിയേൽ കുര്യൻ, ഏഞ്ചൽ മാത്യു, അബിഗെയ്ൽ മാത്യു, എഡ്വിൻ ബോബിൻ, ആൻ മറീയ ബോബിൻ, ഷെയിൻ ജോജി, സ്റ്റീവ് ജോജി എന്നീ  കുട്ടികളാണ് വിജയികൾ.

malayalam-class-3

രണ്ടാം ഭാഗം ക്ലാസുകൾ ഫെബ്രുവരി പതിനാറ് ഞായർ മൂന്നു മണിക്ക് ആരംഭിക്കും. ആറു മാസത്തേക്ക് ഞായർ മൂന്ന് മുതൽ അഞ്ചു വരെ മീഡിയ ഹൗസിൽ ( 445, FM 1092 (Murphy Road), Suite 500 D, Stafford, Texas, 77477)  ക്ലാസുകൾ ഉണ്ടായിരിക്കും. 

പഠിക്കുവാനും പഠിപ്പിക്കുവാനും താൽപര്യമുള്ളവർ ഈശോ ജേക്കബിനെ സമീപിക്കുക. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
MORE IN US
SHOW MORE
FROM ONMANORAMA